أريد رجلآ

ج٣٧

وانتي بمفترق الطرق ووقع عليج اختيارين وحيل محتارة بينهم منو الي اختارة الشخص الي عمرة كله يركض ورايا من جنا صغار ووگف ويايا لو الشخص الي احبه وهو يحبني بطريقته ولگيت روحي ويا تعبني هذا التناقض حاسة گلبي تعب واني احاول اوازن بين گلبي وعقلي ..

خلال سنة عشت هذا التناقض بكل معانيه ..

كرار : صباح الخير ..
ها عمو زينة يلا امشي اوصلج للمدرسة ..

زينة: ها عمو ..دقيقة بس اجيب كتابي نسيتة هسة اجيبة ...

تريگتي ؟
لا ..مااريد ..
متريدين لو محد مسويلج ريوگ ..

صابرين: لازم ترزلنا من الصبح عرفنا اني مو اموبيت ومااعرف اطبخ بس ترة اني انطيها مصروف تشتري ..

كرار: وانتي على هالحجي مامتريكة ؟

لا ..ممتريكة ..

دصعدي بدلي اروح اجيبلكم ريوك وارجع ..

صابرين: ياريوگ..رح نتاخر ..

أم التاخير انت لسة مامبدلة وتگول تاخير ..

اقصد بين مااكمل ميظل وقت ..

براحتج اسويلج لفة اخذيها وياج بس هاي البنية عندها دراسة لازم تاكل ..

صابرين: بهاي الكم سنة كرار حيل تغير صح احنا مو صغار اني رح افوت ب٣٧وهو ٣٩ مو صغار احنا بس اكو بلوغ بالتصرفات مجنت افكر ان كرار شخص حريص وحنون رغم عصبيته وهاي الفترة زينة كلش تعلقت بي لان دايما سوا لو تلفون او موجود هو يوديها مدرسين ويوصلها ويرجعها للمدرسة وعمود لايتاخر علينا اجر بيت نفس المنطقة حسيت مالي دور اني مااعرف اكون أم ،اني مااعرف الامهات شيسوون لبناتهم يعني لو متزوجة وعندي اطفال اني ام فاشلة والسبب مو شخصيتي الي كون شخصيتي صح هي مو قاعدة بس أمي ماعلمتنا الحنية ماعلمتنا شون لازم الام تحتوي اولادها وتحبهم وتخاف عليهم مااكدر احجي عليها وهي ميته بس هاي الحقيقة وهي مو مذنبه بيها هذا الي تناقل عبر الاجيال من جديتي لاامي والية ..

دگ التلفون ..
الوو...
الووو..ها اسماعيل ..

شنو اليوم مداومين ؟

لا..اداوم ليش..
شو مطلعتي ؟

كرار ابن عمتي رح يوصل زينة ويوصلني ..

امممم..شنو ميفك ياخة منج يوميا ..

ولد عرض خدماته مااكدر ارفضها ..

طبعا شون ترفضيها ..

هسة شتريد ؟

مااريد شي سلامتج ..

سد التلفون ..
يووو..هذا شبي ...

اسماعيل ..شعور داخلي يگلي هو يحبني ومهتم بيه واني هم أحبة بس عمرة مصارحني بمشاعره الا ماندر چنت اشوف لهفة عيونة بس يشوفني او اني يتهيأ لي ..