أريد رجلآ

ج٩

يابنات قبل لااكتب البارت مااعرف انو انتبهتو انو الايام تمر من عمر صابرين وهواي تحولات بحياتها صارت خلال فترة زمنية وولد اخوها كبرو وعلاقتها بااخوتها تحسنت وصارت ناضجة بعد مچانت تكره البيت واهلها كل هذا مااجه هيج ولا بيوم وليلة وانما الخبرة والتجارب الي غيرت عقل صابرين وجعلتها اكثر صبرا واقل تهورا وصارت مسوؤلة عن اخوتها الاكبر منها كل هذا دا اشوفكم تاخر الزواج مانو نقمة بالعكس نعمة لان نوصل مرحلة من الهدوء العاطفي اعرف انتو متشوقين صابرين تعيش قصة حب وتلگى زوجها المستقبلي بس حابة تعيشون الاحداث مثل ماعاشتها صاحبة القصة تحياتي وارجو منكم سعة الصدر واشكركم ع دعمكم ومتابعتكم ..
أحبكم ..
نازك الملائكة...

الثقة شي حلو ..حلو انك تكون انسان مستقر ومايدخل الشك داخلك تكون ع نياتك مثل ميگولون بس لمن تكون ويا ناس متعرف شنو نيتهم لازم تاخذ حذرك وتكون مراقب خطوتك والا رح تكون غرگان وانت مو عارف..

سميرة: جانت حياتي حيل مضغوطة ماكو مجال للراحة مااتذكر جنت سعيدة لا چنت سعيدة لمن اشوف فرحة اولادي واني اجيبلهم الشي اليحبو او يسمعون مني كلمة تشجيع بنجاح بعمل ..
جنت احضنهم علمود الاكي روحي الضايعة هواي لحظات اجتني ردت اصرخ انفجر ..اريد سعيد يحس صار انسان بلا روح حتى كلمة حلوة ماكو ودائما يحبط الجهال بس يحجون امانيهم وارجع اطبطب ع چتافهم وانطيهم حقنة النجاح الي يحتاجوها لحد ماوصلنا مرحلة الاولاد مو شايفين ابوهم ولا هو شايفهم ..
يجي يطلب مني فلوس ويطلع ويجي متاخر واني افرح وجودة يوترني ويخليني مضغوطة خل يطلع يغير جو ويرجع عالاقل مياثر ع الجهال ونفسيتهم ..
مرت سنتين ع نفس الوضع ولاحضت سعيد ضعف حيل شهيته قلت ..كلش قلقت ..

بس وصلت مرحلة تعبت اشيل هم الكل خ يشيل هم روحه عاد ..

خلال هالسنتين توفت ام سعيد مبقى احد منهم وصال تزوجت وفرغ البيت وسمعت امه تمرضت مرضه قوية صار عندها سرطان بالفم وشالولها نص لسانها مااعرف بس يمكن والله اعلم عقاب رب العالمين والمرض انتشر بسرعة وتوفت ..
مارحت للفاتحة سعيد گال ماكو داعي تسمعين كلمة تغثج ..
اعرف اهلي ..

صابرين: على هالحالة چان يخاف ع زعلج ويريد خاطرج..

مو شلون ماكان چان يحبني بطريقته ..
مرة من المرات واحنا چنا بلحظات الصفا گالي انتي ملاك نازل من السما ساعتها ضحكت وحبيت كلمته ..
والله أنتي ملاك يا سميرة ماشفتج يوم حچيتي ع احد كرهتي احد الله يساعدج على گلبج ياسميرة ..ربي يديمج الي ..

صابرين: حلو الرجال الي يطيب خاطر مرته بالكلام الحلو ..

حلو ..حلو..بس ياحبيبتي الدنيا مو بس كلام شلي بلسانج الحلو اذا انتي طبايعج سوو العفو منچ..
شنو الصار ؟

ظليت فترة طويلة احجي ويا سعيد عمود يرجع للشغل يشوفلة شغلة ..احسن مايظل گاعد ..چان يزعل مني ومياخذ فلوس ولاياكل ..
واعرف هو يعاقبني لأن اعرف نفسه عزيزة ومياكل بس يمي ..