أريد رجلآ

ج٤٢

اول ماانسد التلفون كأنو شي انطبق ع صدري هز كياني كعدت اريد احصر ذاكرتي شوكت تغير عليه شو الايام مشفته بيها وجان متزوج وعندة عائلة ، ليش تزوجني دام عنده حياة واولاد ليش سر مجان عندة شي عمود يظمة ليش وليش ..عذبت نفسي وهو ماموجود خليت تلفون گدامي وگعدت ابچي ..كل شوي اگول هسة يخابرني اكيد محضرلة كذبة يلزك بيها الصار ..

وحتى هذا الانتظار مجاب فائدة اذاني..أذاني حيل ..كل شوي اثور واهدأ ..اشتعل واطفا

ليش ياربي ..ليش ..ليش ..ليش زوجته..

صار الليل  ...واني انتظر ..اخرها قررت ادگ مرة ثانية ..بس خفت ..خفت اسمع شي مو گادرة اصدگة ..

لطيفة: صابرين ..مااجيتي تعشيتي ..

مو مشتهية لطيفة ..

شبيچ ..شكلج متضايقة وتعبانة ..

لا ..ماكو شي ..روحي تعشي اني مااريد ..

شون اعوفج اني وانتي هيج لايكون كرار غثج بالكم كلمة گالها ..

كرار شنو يمعودة ..

لعد شبيچ  ؟

ماكو ..هيج ضايجة ..مخنوگة ..مو كااادرة...

تبچين ..صابرين ليش عود گلت تزوجتي وعين الله عليج ومرتاحة واسماعيل يحبج ويحب زينة ..

يحبني ..اي يحبني ..اووف لطيفة ..

ولچ شبيج فهميني شنو السالفة ..

مصيبة ..لطيفة مصيبة مامكتوبلي ارتاح ابد ..

ليش؟

..................

اسماعيل : ولك قصي نسيت تلفوني بيتكم ..

قصي: ترة تأخرنا هسة اخابر واگللهم يغلقون التلفون ..

اسماعيل : اي يلة ..

صابرين بالفترة الاخيرة حيل تغيرت صايرة تلح وشكاكة اني جان لازم ماادخلها حياتي مااتعضت من صار بحياتي قبل شون تمضى وياها مااعرف ..

...........

لطيفة : لا ..لا ..صابرين انتي غلطانة ..اني عايشة بهالبيت رح يصيرلي سنة ونص ..ولا مرة سمعت اسماعيل عندة شي او رايد بنية وعمي مثل مشفتي مايدخل يعني ليش يزوج بالسر واذا تزوج شوكت مو جان نهارة كلة. وياج ومن يرجع هم انتي اكيد غلطانة ..
بعدين كلتي طفلة حجت وياج بلكي بنت صديقة تعرفين اسماعيل جكد يحب الجهال ..
يمكن جلبت بي مثل كنان وانطاها اله ..وحتى لو موهيج هاي جبيرة مو صغيرة شون قنعتي نفسج بهالوهم ..

صابرين : لطيفة كأنو نار شاعلة داخلي وشك موتني ..طول نهار من يمي مااحس بشي بص يطلع اشتعل نار اذا مشغول اتعب واذا سافر مااكدر لااكل ولااشرب ولاانام ..شسوي رح اموت ..

طاح حظج والله انتي مو وجه نعمة يعني واحد يقدرج ويحبج ويهتم بيج عندة شي شهالعقل بلة ترة البي انتي تعلق مرضي ميصير هيج رح تظلين صدك يخونج كل شوي داگة كل شوي سألة وناصبة مناحة ترة اني دا اشوف اسماعيل تغير ..