أريد رجلآ

ج٢٥

يوميا واني اصحى الصبح احمد رب العالمين انو جعلني لااعتمد على احد ولاانسند ع احد كنت سند نفسي دوما العبرة مو بكثرة الناس الحواليك او الاخوة والعشيرة ان لم تكن شجاعا بما يكفي لن تستطيع ان تهزم ضعفك وقلة حيلتك وان الحزن الي تعتقد هو تعبير عن خيبة املك بالناس والاهل والصحبة ماهو الا ضعف ،الحمدلله ان كل خيبة مرت بحياتي خلتني اقوى وخلتني انسى انووعندي احد ومهما اشتدت الريح كنت اقوي جذوري وابدي من الصفر واقوى وافضل خلتني اكدر اقاوم رغباتي وضعفي وعاطفتي خلتني اشوف كل هالنقاط قوة والمرأة بمجتمعنا تتربى ع انو هي ضعيفة عمود متفكر بشي غير ان تكون تبع ، تبع لااهل ،اخ، زوج ، ابن ،المهم يكون رجل بحياتها لان هو مصدر الامان بااعتقادها واعتقاد الغير وهناك بالعتمة والظل وتحت جدران البيوت المحصنة تلكي الزوجة والام والاخت والابنه هم عمود البيت هم المطبخ والمستشفى والرعاية بيتك نظيف واكلك جاهز هدومك مغسولة ومكوية اولادك الشطار المهندسين منهم والاطباء ماكبرو بگعدتك عالگهوة او ركضك ورا النسوان ولانومتك بالبيت ولا حتى وضيفتك الي كاعد تصرف بيها عالبيت ،كبرو ونجحو بتعب امهاتهم وحب اخواتهم وحنان بناتهم كسران الظهر لك ياحواء انت العظيمة انتي الي تكتمل بك هذه الحياة وانتي السعادة التي ترتسم ع وجوه الاطفال انت الدفئ والسكنى والمودة  انتي التي كنت حلما لسيدنا ادم ، وكنتي سببا لااول جريمة بالانسانية لم يكن ذنبك بل ذنب ابن ادم طمعه وجشعه ورغباته ،انتي عظيمة لكي تهتز عروش من اجلك انتي ناقصة العقل تصوري اين العظيمات اللواتي هزت عروش مصر وبابل واثينا وكل بقاع الارض هل انتي قوية ام ضعيفة اسألكي بالله عليك كوني قوية كوني عظيمة لانك تستحقين ..

تحياتي ..
نازك الملائكة
مرت الايام ..والاشهر واني كل يوم اشوف ابن الجيران واني طالعة صبح واني راجعة ولطيفة تحچيلي شعر بي ..

صار داخلي احساس وشعور غريب بس اول ماحسيت ان لطيفة بدت تطلع من الحلقة العايشتها والكأبة وصارت شعلة من الفرح والتفاءل ظليت مكاني بس اكو شي يجذبني بي واظل يوميا الصبح البس احلى ماعندي واعتني بروحي واظل واگفة عمود اتفحص السيارة بلكي المحة وهو يمر يسلم بثقل واني هم ..

وكل يوم من ارجع من الدوام لطيفة تصرع راسي بي وباابو ..

لطيفة : هلوو صابرين ..متعرفين اليوم شگالي عمو ابو ابراهيم ..

صابرين : شگالچ؟

بما انو يوميا اني ادزلة من الغدا عشا اتنغصلة من حلويات اسويهم ..

اقترح عليه اقتراح ..

صابرين: لطيفة اني كتلج طلعي وطبي واختلطي بالجوارين بس مو تعوفين الكل وتچلبيلي بيت ابو ابراهيم وهم بيت مابي زلم ومو فاهمة ليش ..

لاتخلين الناس يحچون علينا ..

لطيفة : اولا طز بالعالم الي مرحمتنا اني وياج واحنا تحت جناح رياجيل ..
وثانيا اني مرايحة بيتهم اني ويا مكاعد اتسوگ او اخذ شي ابو ابراهيم يذبلي حجاية وانقهر هم بس رياجيل ماكو مرة تداريهم تطبخلهم وبعدين الحمدلله خلصنا من الدين وهسة راتب رجعلي يعني اذا ضايجة لان انطي ..
صابرين: طاح حظج يالطيفة اني من يمته ادور وراج حبيبتي البيت بيتج بس اني اخاف من حچي الناس وگلبج الرهيف..