أريد رجلآ

ج١٦

غفوت لحظات وكعدت ع صوت كرار ..

صابرين ..صابرين ..ولچ صابرين ..

هااا...هااا..
شجابني هنا وين امي وين حسين ...

ع كيفك لاتنشلع الكانيولا البارحة تخربطت بالليل ونقلناك للمستشفى ..
وعمتي تعبت...

شبيها أمي بيها شي وينها؟

كرار ...عوكيفك مابيها شي بس اني كلت الحسين ياخذها للبيت عمود ترتاح وتجيني الصبح ..

وانتي كاعدة بالطوارئ هذا حسين الغيرةسيز شون يعوفج ونوب نايمه بالعسل طب واحد هسة عليج..

صابرين: كافي..كافي ..ناس مرضى شنو انت مريض متنهد انت ..

كرار: جايبيني بملابس البيت ولكم شون سوون بيه هيج..

صابرين: كرااار...جان المفروض نعوفك تموت ونبدلك عمود تواجه الكريم بااجمل طله ..اسكت كافي متستحي من الصبح لكلك انت شنو ..اهدئ ماعرفت شسويت بينا اني وعمتي تالي الليل كوة شلناك ..

كرار: شلتوني ولچ انتي ماتستحرمين ماجبتو حسين ..

صابرين: انت مامتت ..هسة اموتك والله اخنگك بصوندة المغذي واخلص منك المفروض ماتحچي ولا كلمة لك تاليتك طلعت بلاع مال حب ..

كرار: شنوووو..شكاعد تخربطين ..

صابرين: ولك ليش هيج سويت بروحك وقهرت عمتي ..لو ميت ولا هالعملة ..

كرار: تدعين عليه مو ...انتي اصلا تكرهيني تموتين مني وتريدين بس تخلصين مني ..
صابرين: اااوف ربي..شسويت جواك دتبليني هالبلاء ..

كرار: تعالي وين رايحة  ؟

وأنت شعليك ..شعليك ..
رايحة جهنم..

تعالي ..وين عايفتني ولچ تعالي نوب ماحاطة شال فوك راسها وجاية بنعالها الاحمر ..
صاااابرين ..

طلعت شوي برة الطوارئ اشتميت هوا ..

شنو هالحلم ياربي ..
ياحلم كابوس ..هذا التحفة شينحب منه ..

اشتريت بطل مي ورجعت لكيت تور مال الاطباء ..

كرار: وينج اجة الدكتور ومعرفت شااحچي ..

صابرين: انت متعرف تحچي ..بسيطة ..

مرحبا دكتور صباح الخير..

كرار : بعد فتحي حلگج اكثر ..

صابرين:كرار ..اسككككت...

اشوفك اليوم أحسن ..

صابرين : اي الحمدلله دكتور ..

كرار: اي الحمدلله ..

تگدرون تطلعونه اليوم ..

صابرين: دكتور ..منكدر نبقي بعد شوي لما يرتاح ..

كرار: لاااا..وشعندي باقي خل اطلع ..