أريد رجلآ

ج١٨

اني اسفة ، اسفة جدا لنفسي اسفة للاني توقعت الكثير وخاب ضني ،اسفة على عمري ووقتي وتفكيري واسفة جدا على قلبي الذي شغلته بمشاعر اهنت نفسي فقط ..

چنت تعبانة وجتي زينه للغرفة ،
صابرين: خيرج خالة شكو شبيچ ؟

خالة اني مااريد بعد منچ فلوس ولااريدج بعد ديرين بالج علينا خلونا كلكم امنا ماتت وانتي هم تخليتي عني ليش ،

صابرين : شنو هالحچي ليش هيچ تصرفين وتحچين انتو مثل أولادي ومستحيل استغني عنكم او خليكم..

زينة: بس اني سمعت انتي ماقبلتي تزوجين ابوية ،ليش تخلينا للناس الغربة ..

صابرين: لا مستحيل اعوفكم أبد ..بس مترهم اني وأبوج مااكدر احنا مثل الاخوة ..

بس عمو كرار گال شي ثاني ...

وشگال ؟

هسة اسولفلج البارحة جأنو كاعدين وشنو الحجي الي انحچى ..

اولا اهدي وتعالي احجيلي شنو الحچي ؟

سليمة: لطيفة ، زينة يم خالتها ؟

اي عمة صعدت،

هاي شعندها اكيد مسوية مكسورة بنت سالي ..

لطيفة: لا ماكو شي طمني اني اتابعهم من بعيد لبعيد بدون مااحسسها لاتخافين وصابرين هم يومية تقررها ..

سليمة : والله يايمة اني مقهورة على ذولة الجهال تشتتو من بعد أمهم وأبوهم دايخ بزمانه لو خالتهم الله يهديها بس شنسوي نصيب بعد ،

صابرين: هيچ الحچي لعد ؟

اي خالة اني سمعت بااذني الكالو ؟

صابرين : انتي لاتضوجين ولاتگولين لااحد السمعتي..
أني اعرف اتصرف ...

بهالاثناء جاني اتصال من صديقة الي من أيام الكلية عزمتني ع عرسها ..

هلو انسام شونج،اخبارج؟

الحمدلله ،باعي كل شي صار بسرعة وتعرفين هوسة وخبصة اني انخطبت ومتعرفين ركض ركض بس تذكرتج كلت لازم اعزمج ع عرسي مو متجين ؟

لا شلون مااجي اكيد اجيج ..

شوكت العرس ؟

اليوم ساعة ب ٥

اليوووم ..ولچ تعبانة ...اليوم دوام ..هسة اجيت ..

انسام: لا ولچ تعالي تونسي ، وشوفي صديقاتنا خ نذكر ايام زمان ولو هنة كل وحدة صار عندها اثنين وثلاث جهال بس يلة المهم تشوفيهم..

صابرين: مو أكيد أجي شايفة كل الخير  اذا كدرت اجي واذا مااجيت اعتبريني جيت وان شاء الله أمرلكم للبيت واجيبلج هدية زواجج..

انسام: لا..لا ..يمعودة عيالي نحسين ورح اروح ورا العرس للشمال ، زوجي عندة شغل ورح ياخذني ويا ،