أريد رجلآ

ج13

الظيف الي مكنا محسبين جيته هو كراااار..

صابرين: كرااار..
واني دا أحجي عمتي ركضت من مكانها لمن سمعت اسم ابنها الصغير ..حسيتها طارت بخطوتين وركضت فتحت الباب وبچي واحضان مجانت متخيلة كرار يرجع قبل ١٥سنة كرار قرر يسافر ومن استقر خبر اهلة انو هو مراجع ولا رح يرجع ابد ...ومن ساعتها يتواصل ويا اهلة بس تلفون ورسائل مااعرف عنه شي بس اكيد الغربة غيرت بي هواي اشياء ..

لطيفة: منو هذا صابرين ؟

صابرين: هذا ابو راس الحار شرح يخلصنا عاد ..
منووو؟
ابن عمتي الصغير المدلل مال مامي ..

لطيفة: شكلج حيل حابته ...

كلش ..امشي خ نبدل هسة يبدي ..

انتي مو گلتي چان بغربة يعني اكيد متعلم يشوف اشكال والوان خ نسلم ونفوت ..

صابرين: مع اني مااريد اسلم علي بس لخاطر عمتي ..

لطيفة : ليش خير ..

سليمة: ياعيني ياحبيبي ..فدوة لعينك ..والله گلت اموت ومااشوفك ..

صابرين: بعدين أگلچ..

كرار: والله اني هم مشتاقلج يوووم شونج وشون صحتج وشون.....
لطيفة: السلام عليكم ..

كرار: يوووم ...غير تكوليلي اكو نسوان بالبيت ..غير ...

صابرين: احنا مو نسوان ..اني صابرين وهاي مرت خالك لطيفة ..

كرار: غطن راسجن متشوفني فتت..

صابرين: اني مو محجبة ولطيفة هم تعتبرها سافرة مثل اختك الچبيرة ..

كرار: ياااا..ها ..صابرين ..جكد كبرانة ..
مرحبا مرت خالي ..

لطيفة: هذا شنو ؟

بعدج مشفتي شي مو رجال ظيم ..ولا عبالك طالع للبصرة ..نفس العق......
ماتغير أبد ..

بس والله يضحك شكلة ..
دمشي ..امشي ام اليضحك ..هسة تشوفي شون رح يشوي ع أذانه بصل لما يسافر..

خل نشوف شرح يسوي بزينة لابسة شورت ..

هههههه..صدك ..خطية أمشي ..

كرار: هاي شنو انتي عبالج بعدج صغيرة عيب عمو عيب ماكو احترام ..هاي بيت مابي رجال هيج مشي ..

صابرين: استلمي ..
زينة : عمو ..اني بالبيت... وماكو احد بس جدة وعمتي وخالتي واخوية يزن ..

يزن: هلو عمو ....
گرة عين امك بيك ..اذا اختك هيج..

صابرين: امه الله يرحمها ...

كرار: الله يرحمها ..عمو شون تخلي اختك هيج وين غيرتك ..

صابرين: كرار انت وين چنت..بالاهوار ..

داخل علينا مثل القدر المستعجل مخليت احد ماكطمته ..اهدأ قول ياالله شبيك ..

كرار: اعوذ بالله ياهو حاچي وياج ..اني دا احچي ويا بنت اخوية ..شدخلج بينا ..
اهااا ..اني ليش اعتب  ع زينة اذا خالتها الچبيرة ماشاء الله لاحجاب ولاستر ..