أريد رجلآ

ج٣٢

فجاة من تحس روحك غرگان تجي ايد تنمد وتطلعك من الموت وترجعك للحياة وللامل لمن تكون يأس وماكو طوق نجاة يساعدك تاكد هاي اللحظة هي الي رح تنحل بي كل المشاكل وتصفو حياتك وتتفاجأ الي حطيت بي ثقتك هرب واللي نسيته وحطيته ع جنب وكف وياك وقفة مشرفة ..تندم ..تفرح ..تحزن ماتعرف ..

بس تعبت واني اظيف لحياتي مشاعر جديدة لحد گمت مااعرف اميز بين الاشياء ....

كرار: سولفيلي شنو صار اخرشي ..

صابرين: حسين يريد يزوج زينة..زينة مصارلها ١٦سنة يريدها تزوج ..

كرار: ١٦ مو صغيرة يا صابرين ..انتي ليش مستغربة الزواج ستر للبنية واذا خوش ولد ورح يصونها ويحافظ شكو بيهة ..

صابرين : كرار..المشكلة بالزواج واني مااريد اناقشك صغيرة جبيرة المصيبة انو الي رح يزوجهيا شخص فاسد وطايح حظ ..
وشجابه عليها ..

كرار ..انت رح تساعد زينة وتساعدني ..

اسمع القصة اول ..

لعد بلا ماادوخك ..

انتي ليش ماتحجين لو سالفة انتي وبنت اختج غلطانة..

اشكرك كرار ..واسفة ازعجتك واخذت من وقتك ..
الله عالظالم ..واكيد ميقبل تنظلم بنت يتيمة ..
مع السلامة ..

ماكملت وخاب ظني ..
ظليت الليل كله ابچي وادعي يارب فك ضيقة زينة وطلعها من الي هي بي ..

ماغمضت عيوني دقيقة ..

للصبح بدلت ورحت للدوام ..واني تعبانة ومكسورة نفسي ..

حتى قدمت اجازة لان مو گادرة اداوم ..

اليوم القضية لبنت صغيرة عمرها٢٥سنة زوجها ٢٧ يتيم وعندة اخ واحد اسمه نمير  ..

اسمي نادين عمري ٢٥سنة من عائلة صغيرة ابوية وامي وعندي اخ واخت عائلتنا من بيئة محافظة بس عائلتنا شوي منفتحة وابوية جان يعبر محافظة في سبيل اني واختي نكمل دراستنا ..
اني جنت كلش متلهفة جو الجامعة واتمنى اعيش الحب ويتوج بالزواج كلش جان املي بهالموضوع ...

وايوية لثقته العالية وخوفه علينا بقانا يم بيت عمتي ..مرة كبيرة بالعمر ..وعندها ابن اختها يتيم هم يدرس بس مو باقي اغلب الوقت بالاقسام ويا اصدقائة ..
عمود اكثر وضوحا هو مو ابن عمتي اللح لأن عمتي هذي عمة ابوية مو اخته بس احنا نگللها عمة ..
اول سنة جنت اشوف نديم مرتين ثلاث مرات ماكو علاقة اني واختي بغرفة واغلب الوقت بيها ..منطلع ..

بالكلية دخلت بعلاقات مؤقته بس كلها فاشلة ومجنت اكدر اكمل بيها لان جنت اتمنى اتزوج ..

بس للاسف هذا الموضوع شوه سمعتي بس الله يشهد اني مجان عندي شي وكله ضمن كروبات والموضوع ميتعدى تلفون بس لان مجتمع الكلية هذا الشي دمر سمعتي للاسف ..