أريد رجلآ

ج15

من السكوتي موتي ومن المطگطگ خلي وفوتي هواي سمعت هذا المثل بس ابد مااجة بالي انو هذا المثل ينطبق ع حياتي والوضع اللي عايشته هسة ..

ورا الظهر حسين طلب يحچي وياي واني كملت لم الصفرة والمواعين كملتهم وجبت الشاي وكعدنا نحچي ..

حسين: الله يساعدج صابرين ..

ويساعدك حسين خير خو ماكو شي ؟

لا ..صابرين بس اني عندي موضوع وياچ ؟

خير شنو الموضوع اكو شي ..

حسين : الموضوع مو جديد اني سبق وفتحته وياچ ومرض خالي وهوسة البيت مالتكم أجلته للموضوع وأني مرجعت فتحت الموضوع أحترام لخالي واحترام لحزنچ علي ..

صابرين: اشكرك ...

حسين: اني مرح الگي احن واحسن يربي اولادي غيرچ انتي خالتهم وتعرفيهم ومااكدر اعوفهم يم وحدة مااعرفها ...

صابرين: يعني تريد مربية لااولادك !

حسين: ليش هي الأم مو مربية انتي اذا ربيتي جهال سالي مو بااعتبار امهم ...

صابرين: اني دا اربيهم بدون اي ارتباط بيك ذولة جهال أختي ..

حسين: صابرين ..انتي بنية مامتزوجة يعني ممكن تجي فرصة زواج وهاي الفرصة ممكن متعجبج ولا تلأئمج واني مرح اطلب منج شي اني اريد أم لااولادي ..

صابرين: من حقي اعيش ويا الانسان اللي اشوفة مناسب اليه ..

حسين: اني اعرف اني الشخص اللي يناسبج ويفهمج..

صابرين: ومين جبت هاي الثقة ياحسين مااتصور اني لمحت ان ممكن اوافق ..

حسين: أني اعرف اللي حاسته واعرف ان سالي هي اللي اخذت النصيب الي كان ممكن يكون الچ..

صابرين : شنو ..نصيبي ..محد ياخذ غير نصيبة يا حسين ووقتها أمي كالتلها لعمتي رأي اني چنت اريد اكمل دراسة ..

حسين: اعرف انتي تحبيني ..اعرف چنت حاس بهالشي بس اختج دمرت اللي كان ممكن يصير بينا ..

صابرين : غلطان انت ،وسالي ماتت مالمفروض تحجي عليها بهالطريقة ..

سالي دمرت حياتي وباگت فلوسي نصبت عليه ..

صابرين: حسسسسين ..

صابرين ..اني اعرف سالي شالت فلوسي وانطتجياهم وانتي اشتريتي هالبيت عمود اولادي لايضيعون وهذا اذا نابع فنابع عن حبج واهتمامج اني اعرف ..

صابرين: انت غلطان حسين ..غلطان هواي اني لا حبيتك ولا فكرت بيك مشاعر حب ولا زواج چنت معجبة بيك وبشخصيتك بس عمره مكان حب جان اعجاب ومن تزوجت اختي راح هذا الاعجاب صرت اخوية وزوج اختي ..

حسين: صابرين ..مشاكلي ويا سالي كلها بسببج هي جانت تغار منج لأن دائما احمدج واقارنها بيچ اني چنت غلطان بااختياري ..