أريد رجلآ

ج١٩

مااجمل البدايات كل شي في اعلى مستواه الحب الاهتمام الغيرة كل شي بااوله حلو ورائع ومثالي حتى شغفنا وتسرعنا كله تكون بااوجها..لهذا نحب الحب ونحب نعيشه ..

اول ماقفلت التلفون چان وجه لطيفة مو فرحان ..

لطيفة: احچيلي شنو صار ..رحتو مركز شرطة صار شي ..

صابرين : صارت أشياء ..خل اسولفلج...................

لطيفة: اعترفلج بحبه يعني ..

صابرين: أني من زمان اعرف كرار يحبني ..شبيچ لطيفة بس اني مچنت منطيته وجه ..

لطيفة: وهسة نطيتي وجه ..

صابرين: شبيچ لطيفة ..شتعرفين عني اني مو مراهقة وحتى من چنت عمري مااتهورت ..

لهذا مو كلمتين وتصرف رح اروح زايد ..

لطيفة: لعد اشوف وجهج وتصرفاتج اختلفو ..

صابرين: لطيفة ..كرار قبل جان حيل يضايقني ومتحكم وميتفاهم وعصبي وجنت اضوج من رجال عصبي گلت هذا يصبحني بكتلة وينيمني بكتلة لان أمي جانت تگول عمتج جانت يومية مكتولة وجاية لبيتنا ..وترجعلة ..

لطيفة: صدگ تحچين ..شو هسة ٢٤ساعة تدعيله وتبين تحبه ..

صابرين: لأن عمتي هم مچانت تگعد راحة ويومية مدخلة بالچناين والحموات هي مصل حالتي تاخرت يالزواج لهذا أمي جانت تضوج منها الله يرحمها ..

لطيفة : ابوچ هم جان يحجي عالمشاكل بين امج وعمتج وصارت هواي مشاكل بسببها..

صابرين: امي الله يرحمها چانت تشوف العمى ولاتشوفها وسالي اختي من هلكد ماامي تحجي كرهتها ..

لطيفة : ماكو انسان يكره انسان من فراغ ..

صابرين: لطيفة ..انتي شنو قصتج شو اليوم چنو عمتي غاثتج بكلمة لو سامعة شي ..

لطيفة : لا غاثتني ..ولاسامعة بس اني احبج ومااريدج تنصدمين ..

صابرين: لاتخافين لطيفة اني ماخذه حذري واريد اعرف تاليتها ...

لطيفة : زينة شگالتلج اليوم الظهر ..

مگالت شي ..بس ضايجة لأن ابوها ماكو ..

لطيفة : أي حقها ..

صابرين : نام هسة؟  باجر ورايا دوام ..

لطيفة: ماااشي ..

مرت الايام واني وكرار علاقتنا حيل قوت ويومية متعارك عاللبس والتأخير ومنو هذا شنو ذاك ويوم عن يوم اكتشف ان كرار المراهق تغير مو ذاك الكرار الطايش رجع غير واحد ..

حسين تغير جذريا يوم عن يوم كمنا نشوفة يبقى بالبيت ويختلط بالجهال وصرنا ننجمع عالاكل ونضحك اكتشفت ان حسين مو فارق ويا رفضي او قبولي وتحمدت رب العالمين انو رفضت ومجربت شي ماممكن يصير لا حاضر ولا مستقبل ومرور الوقت اكتشفت ان حسين شخص عنده اطباع سيئة مستحيل اكدر اعيش وياها ..
بارد .. ودائم النسيان ..شخص مامهتم بااولادة والصورة جانت سالي تتباهى بيها كدامي مجرد صورة مزيفة ..