[Unicode]
" ဂျုံအင် ဘာဖြစ်လာတာလဲ "
" ဆောင်ဝူး "
အိမ်တံခါးလာဖွင့်ပေးတဲ့ ဆောင်ဝူးကို ပွေ့ဖက်လိုက်မိသည်။လမ်းတစ်လျှောက် မိုးရေတွေနဲ့အပြိုင်ကျလာတဲ့ မျက်ရည်တွေကလည်း ဆောင်ဝူးကိုတွေ့တော့ပိုပြီးတောင် ကျလာသေးသည်။
" လာ အထဲဝင် .. စိုရွှဲနေတာပဲကွာ မိုးရေထဲ ထီးလည်းမပါဘဲ ဒီထိလမ်းလျှောက်လာတာလား "
" ဦးလေးပတ်ရော "
" အိပ်နေပြီ "
" လာ ငါ့အခန်းထဲလိုက်ခဲ့ "
ထပ်ပြီးငိုချင်နေသေးပေမယ့် ဆောင်ဝူးက ဂျုံအင် မျက်ရည်တွေကိုပွတ်သုတ်ပေးပြီး သူ့အခန်းဆီခေါ်သွားပေးသည်။ခန္ဓာကိုယ်ချင်းသိပ်မကွာတာမို့ သူ့အင်္ကျီတွေကိုပဲ ဂျုံအင်ကိုလဲဝတ်စေသည်။ပေါက်ပြဲသွားတဲ့ နှုတ်ခမ်းထောင့်စွန်းကိုလည်းဆေးထည့်ပေးသည်။
" အိုဆယ်ဟွန်းနဲ့ရန်ဖြစ်လာတာလား "
" အင်း "
ခေါင်းသုတ်ပေးနေတဲ့ ဆောင်ဝူးကို အသံထွက်တယ်ဆိုရုံမျှ ဖြေလိုက်တော့ သက်ပြင်းချသံကိုကြားလိုက်ရသည်။ဦး အရမ်းလွန်သည်။သူ ဒီတစ်ခါတော့ ဦးကိုစိတ်ဆိုးမိသည်။
" မင်း ဂန်ဆိုးအာကို ငါတို့လက်ထပ်ထားတာ ပြောလိုက်သေးလား "
" မပြောပါဘူး .. ဘာဖြစ်လို့လဲ မင်းကိုစွပ်စွဲနေတာလား "
" အင်း "
" ဒီ အိုဆယ်ဟွန်းကတော့ "
" ငါ ဒီမှာခဏလောက်နေဦးမယ် .. ဦးဆီပြန်မသွားချင်သေးဘူး "
" သူ မင်းကိုဘာလုပ်လိုက်လို့လဲ .. ဟမ် "
ဂျုံအင် ခေါင်းကိုသာခပ်ဖြည်းဖြည်းရမ်းပြမိသည်။သူပြန်မပြောချင်။ဦးရဲ့ စူးရဲတဲ့အကြည့်တွေကိုသူကြောက်မိသည်။ခနဲ့တဲ့အပြုံးတွေ၊စိတ်လွတ်နေတဲ့လူလို အော်ရယ်လိုက်တာတွေ ဂျုံအင်ထပ်ပြီးရင်မဆိုင်ရဲသေး။
" မင်းပျော်သလောက်နေ .. ငါ ဖေဖေ့ကိုပြောပေးမယ် "
" ရပါတယ် ငါကိုယ်တိုင်ပြောမယ် "
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
