[Unicode]
" နှစ်ကုန်ပိတ်ရက်တွေ ဘယ်သွားချင်လဲ စဥ်းစားထားနော် .. ကိုယ်လိုက်ပို့မယ် "
" ဟုတ် တာ့တာ "
အနမ်းချင်း ဖလှယ်ပြီးတာနှင့် ကားပေါ်ကဆင်းသွားတဲ့ ဂျုံအင်ကို ကျောင်းထဲရောက်သွားသည်အထိ ကြည့်ပြီးတော့မှ ကားကိုမောင်းထွက်ခဲ့လိုက်သည်။ဂျုံအင်တို့ ဒုတိယနှစ်ဝက်စာမေးပွဲတွေက နောက်တစ်လနေရင် ဖြေတော့မှာမို့ စာမေးပွဲပြီးရင်တော့ ခရီးထွက်ဖို့စဥ်းစားမိသည်။ဂျုံအင်နဲ့ Honeymoon တောင်မထွက်ဖူးဘူးလေ။
ကျောင်းကိုရောက်သည်နှင့် ကားပါကင်ထိုးပြီး ရုံးခန်းထဲဝင်ခဲ့လိုက်သည်။စာမေးပွဲတွေနီးလာတော့ ဆယ်ဟွန်းလည်း မေးခွန်းပြင်ဆင်ရတာနှင့် သိပ်ပြီးမအားလပ်တော့ပေ။ဂျုံအင်ဆို ပိုဆိုးသည်။
ဒီနေ့ အတန်းချိန်နည်းသည်မို့ နေ့လည်ထမင်းစားပြီးတာနှင့် အတန်းချိန်မရှိတော့။ဂျုံအင်ရဲ့ အချိန်စာရင်းကိုကြည့်မိတော့ ဂျုံအင်လည်း ညနေပိုင်းအတန်းမရှိ။ဆယ်ဟွန်း နေ့လည်စာစားပြီးတာနှင့် ဂျုံအင် ကျောင်းရှိရာဆီထွက်ခဲ့လိုက်သည်။ဆယ်ဟွန်းကိုပဲ အံ့သြသွားအောင်လုပ်နေတာ ဒီတစ်ခါတော့ ဂျုံအင် အံ့သြသွားအောင်လုပ်ရမည်။
* ဂျုံအင် အတန်းပြီးပြီလား *
* ဟုတ် .. နေ့လည်စာစားနေတာ *
ချက်ချင်းရောက်လာတဲ့ စာကြောင့် ဆယ်ဟွန်းခြေလှမ်းတွေက ကျောင်းကန်တင်းကိုဦးတည်နေပြီ။ကျောင်းကန်တင်းရောက်တော့ သိပ်မရှာလိုက်ရ။ဝင်ပေါက်ဘက်ကိုကျောပေးထိုင်နေတာပေမယ့် ဆယ်ဟွန်းကကျောပြင်လေးကိုမြင်လိုက်တာနှင့်သိသည်။
ဆယ်ဟွန်း ခပ်မြန်မြန်ပဲ လျှောက်သွားလိုက်တော့ ဂျုံအင်ဘေးက ကျောင်းသားတွေက အကြောင်သားကြည့်နေကြသည်။ဂျုံအင်ပြောတဲ့ အရက်သမားတွေပေါ့။
" ကိုယ် ဘယ်သူလဲသိလား "
နောက်ကနေ မျက်လုံးကိုအုပ်ရင်းပြောလိုက်တော့ သူ့မျက်လုံးပေါ်က ဆယ်ဟွန်းလက်တွေကိုချက်ချင်းဆုပ်ကိုင်လာသည်။
" ဦး .. ဘယ်လိုလုပ်ရောက်လာတာလဲ "
" အချစ်ယာဥ်ကြီးစီးလာတာလေ "
ESTÁS LEYENDO
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
