[Unicode]
" ဦး အဆင်ပြေရဲ့လား "
" ငါက ဘာလို့အဆင်မပြေရမှာလဲ .. ထယ်ဆန်းအနားသာ နေပေးလိုက် "
ဂျုံအင်ကို အင်္ကျီတွေကူပြီးထုပ်ပိုးပေးနေတဲ့ ဦးကို ကြည့်ပြီးစိတ်ထဲနေလို့မကောင်း။ဦးငယ် အနားမှာလည်းနေချင်၊ဦးကိုလည်း မထားခဲ့ချင်တာမို့ စိတ်ထဲလွန်ဆွဲလို့နေသည်။
" အကုန်ပါပြီလား .. သွားတိုက်တံ .. မျက်နှာသစ် "
" ကျွန်တော်လေ .. ဦးကို မထားခဲ့ချင်တော့ပြန်ဘူး "
" အဝေးကြီးသွားတာလဲမဟုတ်ဘဲနဲ့ .. "
ဟိုသွားလိုက်၊ဒီသွားလိုက်ဖြင့် ဦးက အလုပ်ရှုပ်နေလေသည်။ဦးရဲ့မျက်နှာကခါတိုင်းလို ကြည်လင်မနေ။ခါတိုင်းလည်း အရယ်အပြုံးမရှိ တည်နေတာဆိုပေမယ့် ခုလိုမဟုတ်ပါ။
" ဦး "
" ဟင် "
" ကျွန်တော့်ဆီ ခဏလာ "
ဂျုံအင်ခေါ်တော့ ဦးက ကုတင်နားကိုတိုးကပ်လာသည်။ဂျုံအင်က ကုတင်အစွန်းမှာထိုင်နေပြီး ဦးကတော့ ဂျုံအင်ဘေးမှာလာရပ်သည်။ဦးက သူ့မျက်နှာကိုမကြည့်၊ဘေးကိုသာ ငေးနေလေသည်။
" ကျွန်တော့်ကို ကြည့် "
" ဘာလုပ်မလို့လဲ .. ငါမအားသေးဘူး "
" ဦး အားပါတယ် ကျောင်းပိတ်ထားတာ ဘာမှလုပ်စရာမရှိဘူးလေ "
" ငါလုပ်စရာရှိ .. "
" ဦး "
သူ ကြားဖြတ်ခေါ်လိုက်တော့ ဦးက သူ့ကို ငုံ့ကြည့်သည်။ခုနက ဦးနဲ့သူ အနီးကပ်ဆုံးလို့ခံစားခဲ့ရသည်။ဂျုံအင် မျက်နှာနားကိုငုံ့ချလာတဲ့ ဦးရဲ့အနမ်းတွေကို သူခံစားရတော့မှာ။ဒါပေမယ့် ဖြစ်မလာခဲ့ဘူး။
" ကျွန်တော့်ကိုချစ်လားဟင် "
" ငါမပြောတတ်ဘူး "
ဦးက သူ့အကြည့်တွေကိုရှောင်လွှဲသွားပြန်ပါသည်။ဦးရဲ့ ခါးကိုလှမ်းဖက်ရင်း ဦးမျက်နှာလေးကိုလိုက်ကြည့်နေမိသည်။ဦးအတွက် ခက်ခဲနေမယ်ဆိုတာ ဂျုံအင်သိသည်။အချိန်ယူရဦးမှာပေါ့။
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
