[Unicode]
" ဆယ်ဟွန်း .. ဂျုံအင် ဘာဖြစ်နေတာလဲ ကြည့်ရတာ မျက်နှာမကောင်းသလိုဘဲ "
မေမေပြောမှ ဧည့်ခန်းထဲမှာ ဘွားနဲ့အတူတူ ဇာတ်လမ်းတွဲကြည့်နေတဲ့ ဂျုံအင်ကိုလှမ်းကြည့်လိုက်သည်။ဒီရက်ပိုင်း ဆယ်ဟွန်းနားကိုသိပ်မကပ်တာတော့သတိထားမိသည်။ဆယ်ဟွန်း ကိုယ်တိုင်ကလည်း နားအေးသည်ဆိုပြီး လွှတ်ထားခဲ့သည်ပဲ။
" မသိဘူး မေမေ .. သားနဲ့တော့ဘာမှမဖြစ်ဘူး "
" အင်း .. ခဏနေ မေးကြည့်လိုက်ဦး .. မေမေ မေးလို့ရမှာမဟုတ်ဘူး "
" ဟုတ် မေးကြည့်လိုက်မယ် မေမေ "
မနက်စာစားပြီး ဆယ်ဟွန်း အိမ်ပေါ်တက်တော့လည်းအနောက်ကနေပါမလာ။မနေနိုင်တဲ့ ဆယ်ဟွန်းကပဲ အောက်ပြန်ဆင်းပြီး ခေါ်ရသည်။ခါတိုင်းလို အသံမကြားရတော့လည်း နေရတာ တစ်ခုခုလိုအပ်နေသလို။
" ဂျုံအင် ခဏ "
ဧည့််ခန်းထဲ ဂျုံအင်ဘေး ဝင်ထိုင်ကာ တိုးတိုးပြောတော့ ဟုတ်ဟု အသံပေးပြီး ဆယ်ဟွန်း နောက်ကနေလိုက်လာသည်။အခန်းထဲရောက်မှ တံခါးကိုပိတ်ပြီး ဂျုံအင်ကိုမျက်နှာချင်းဆိုင်လိုက်သည်။
မေမေပြောမှ သေချာကြည့်မိသည်။မျက်နှာက ခါတိုင်းလိုရွှင်ပျပျမဟုတ်။ဆယ်ဟွန်းကြည့်နေတာသိတော့ ရယ်ပြလာပေမယ့် အပြုံးတွေက အသက်မဝင်သလိုပင်။အနားကပ်သွားပြီး နဖူးနဲ့ပါးတွေစမ်းကြည့်တော့လည်း ဖျားနေတာမျိုးမဟုတ်ပါ။
" ဦး ဘာလို့လဲ "
" မေမေက မင်း မျက်နှာမကောင်းလို့တဲ့ .. ကိုယ်လည်းမပူပါဘူး .. တစ်နေရာရာနေမကောင်းလို့လား "
" ဟင့်အင်း .. ကောင်းပါတယ် ဘာမှမဖြစ်ဘူး "
" တစ်ခုခုဖြစ်နေပါတယ် .. ငါ့ကိုပြော .. ဘာ အဆင်မပြေတာရှိလို့လဲ "
ပုခုံးတို့ကိုဆုပ်ကိုင်ပြီး မေးတော့ မဖြေ။ဆယ်ဟွန်း မျက်နှာကိုတည့်တည့်စိုက်ကြည့်လာသည်။ဒီတစ်ခါတော့ ဆယ်ဟွန်း ထိုမျက်လုံးလေးတွေကို မလွှဲပစ်ခဲ့ပါ။
" ဦးကို အများကြီးချစ်တာသိလား "
ဆယ်ဟွန် ခါးကိုဖက်ပြီး ပြောလာတာမို့ ဆယ်ဟွန်းငြိမ်နေမိသည်။ဘာတွေဖြစ်နေပြန်ပြီလဲမသိ။
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
