[Unicode]
" ဒီနေ့ အပြန်နောက်ကျမယ် "
" ဟုတ် "
ဆယ်ဟွန်း ဖိနပ်စီးရင်း ဘေးမှာအိတ်ကိုင်ပြီး ရပ်နေတဲ့ ဂင်ဂျုံအင်ကိုပြောလိုက်သည်။ဆယ်ဟွန်းအလုပ်ဝင်တာ ၂ပတ်ကြာပြီးတဲ့အထိ ကျောင်းကပါမောက္ခတွေနဲ့အတူ ညစာမစားရသေးသည်မို့ ဒီနေ့လိုက်ကျွေးမည်ဖြစ်သည်။
" ဦး နှုတ်ဆက်အနမ်းပေးချင်လို့ "
" သွားပြီ "
ဂင်ဂျုံအင် လက်ထဲက အိတ်ကိုဆွဲယူလိုက်ပြီး အိမ်ထဲကနေ အမြန်ထွက်ခဲ့လိုက်သည်။ဆယ်ဟွန်းကို လစ်ရင်လစ်သလို နမ်းတာမို့ ဆယ်ဟွန်းမှာ သူပြောရင်ကိုကြောက်နေပြီ။လက်ရဲဇက်ရဲရှိပြီး သူမလုပ်ရဲ၊မပြောရဲတာမရှိ။
စာသင်ချိန်က ၃ချိန်သာရှိတာမို့ ကော်ဖီတစ်ခွက်ဖျော်ပြီး ရုံးခန်းထဲမှာစာဖတ်နေလိုက်သည်။နောက်လထဲမှာ စာမေးပွဲဖြေပြီး ပထမနှစ်ဝက်ပိတ်တော့မည်မို့ ဆယ်ဟွန်း မေးခွန်းကိစ္စတွေလည်းလုပ်နေရသည်။
* ဒေါက် ဒေါက် *
" ပါမောက္ခအို "
တံခါးခေါက်သံနှင့်အတူ ပါမောက္ခလီရဲ့ အသံကထွက်လာသည်။ဆယ်ဟွန်း ဝင်ခွင့်ပြုလိုက်သည်နှင့် ကော်ဖီနှစ်ခွက်ကိုင်ပြီး ဝင်လာလေသည်။ဒူးအောက်စကပ် ပန်းနုရောင်ကို အဖြူရောင် အင်္ကျီနှင့်တွဲဝတ်ထားတဲ့ ပါမောက္ခလီက အတော်လှတဲ့အထဲပါသည်။အသင်အပြကောင်းတာမို့ ကျောင်းသားတွေကြားလည်း နာမည်ကြီးသည်။
" ကော်ဖီ သောက်ပါဦး "
" ဟုတ်ကဲ့ ကျေးဇူးပါဗျ .. တစ်ကူးတကမလုပ်ပါနဲ့ "
ရုံးခန်းထဲက ဆိုဖာပေါ်ဝင်ထိုင်ရင်းပြောလာတာမို့ ဆယ်ဟွန်း စာကြည့်စားပွဲကနေ ထကာ ဆိုဖာမှာဝင်ထိုင်လိုက်သည်။
" ရပါတယ် ကော်ဖီဆိုင်ရောက်တော့ ပါမောက္ခအိုကိုသတိရတာနဲ့ အဟင်း "
" အရင်တစ်ပတ်က ပါမောက္ခချွဲက လက်ဆောင်ပေးထားတာနဲ့ ကျွန်တော်လည်း ဒီမှာပဲသောက်ဖြစ်နေတာ "
နောက်ထပ်တွေလည်း ဝယ်ပေးနေမည်ဆိုး၍ ခပ်လှမ်းလှမ်းက ကော်ဖီဖျော်စက်ကိုလှမ်းပြလိုက်သည်။
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
