[Unicode]
"ပါမောက္ခအို "
နာမည်ခေါ်သံတိုးတိုးကြားလိုက်တာမို့ မော့ကြည့်မိတော့ ပါမောက္ခပတ်ရဲ့သား။ဆယ်ဟွန်းကိုပြုံးပြနေသည်။
"ဘာကိစ္စရှိလို့လဲ "
" ဒီမှာ "
လက်ညှိုးထိုးပြတဲ့ဆီ ကြည့်လိုက်တော့ တံတောင်တစ်လျှောက် ပွန်းရာတွေ။ဆယ်ဟွန်းအလျင်အမြန်ဆွဲယူကြည့်လိုက်တော့ နာသွားသည့်ပုံဖြင့် အ ဟုအသံထွက်လာလေသည်။
"ငါ့ကြောင့်ဖြစ်တာလား မဟုတ်ဘူး လာ .. ဆေးထည့််ရအောင် "
ဆယ်ဟွန်းမေးမိပြီးမှ ဘယ်သူ့ကြောင့်ဖြစ်ဖြစ်ဆေးကတော့ထည့်မှရမည်မို့ ကျောင်းထဲကဆေးခန်းဆီခေါ်ခဲ့လိုက်သည်။ဟိုနေ့က သွေးထွက်မထွက်ဘဲကြည့်မိပြီးတခြားဒဏ်ရာတွေမစစ်ဆေးမိသည်မို့ ဆယ်ဟွန်းအမှားလည်းဖြစ်နိုင်သည်။
ဆေးခန်းထဲဝင်သွားလိုက်တော့ ဆရာမကရှိမနေ။နေ့လည်ထမင်းစားချိန်မို့မရှိတာဖြစ်မည်။ကိုယ်တိုင်ဘဲ အရက်ပြန်၊ဂွမ်းနဲ့ ပတ်တီးတွေယူချလာရသည်။မြန်မြန်ပြီး မြန်မြန်အေး။
"ထိုင်လေ "
ဆယ်ဟွန်းပြောတော့ ဘယ်မှာထိုင်ရမှန်းမသိပုံဖြင့် အူတူတူလုပ်နေလေသည်။ဆယ်ဟွန်းက ကျောင်းသားတွေအပေါ်၊မိသားစုအပေါ်ဆိုတော်တော်စိတ်ရှည်တတ်တဲ့သူပင်။ဒီကောင်လေးကျမှ စိတ်မရှည်နေတာဖြစ်သည်။လက်ကိုဆွဲဆောင့်ပြီးကုတင်ပေါ်ထိုင်စေလိုက်သည်။ပြီးမှ ခုံတစ်ခုံဆွဲယူပြီး ဆယ်ဟွန်းကဘေးမှာထိုင်လိုက်သည်။
အရက်ပြန်နဲ့ ပွတ်သုတ်ပေးတော့ တစ်ချက်မအော်။ဆေးထည့်ပြီး လက်ကိုပတ်တီးစည်းပေးလိုက်တော့သည်။
"ရပြီ .. ဘယ်နားဒဏ်ရာရှိသေးလဲ "
ထိုကောင်လေးမဖြေခင်ဆယ်ဟွန်း ကျန်တစ်ဖက်ကိုဆွဲယူပြီး ကြည့်လိုက်သည်။ဒဏ်ရာတော့မရှိ။သို့ပေမယ့် အမာရွတ်တစ်ချို့ကိုတော့တွေ့ရသည်။ဘာကြောင့်ဖြစ်လဲစိတ်ဝင်စားမနေတော့ဘဲ ပြန်လွှတ်ပေးလိုက်သည်။
"ကျေးဇူးပါ ဦး .. "
ရုတ်တရက်သုံးနှုန်းလာသည့်အသုံးအနှုန်းကြောင့် ဆယ်ဟွန်းမျက်မှောင်ကုတ်လိုက်မိသည်။ဒီကောင်လေးကတော့ မလေးမစား။
ESTÁS LEYENDO
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
