[Unicode]
" ဦး "
" ဦး "
ဆယ်ဟွန်း ခပ်တိုးတိုးကြားနေရတဲ့ အသံကြောင့် အိပ်ချင်နေတဲ့ မျက်လုံးတွေကို ဇွတ်ဖွင့်ကြည့်ရသည်။ကုတင်အောက်ဆီမှ လာတာမို့ ကုတင်ပေါ်ထိုင်ရင်း လှမ်းကြည့်တော့ ဂင်ဂျုံအင်ယောင်နေတာပင်။
ဆယ်ဟွန်း ရေထသောက်ရင်း ကြမ်းပြင်မှာ အိပ်နေတဲ့ အရှုပ်ထုပ်ကိုကြည့်လိုက်သည်။အိမ်ရောက်မှ အန်ချတာမို့ ပေပွသွားတဲ့အင်္ကျီတွေကို ဆယ်ဟွန်းပဲ လဲပေးခဲ့ရတာ။ဖြစ်သလိုဝတ်ပေးထားတာမို့ ကြယ်သီးပေါက်လွဲနေတဲ့အင်္ကျီတွေက ဖရိုဖရဲ။နီရဲနေတဲ့ မျက်နှာက အိပ်ပျော်နေတာတောင် အရောင်မကျဘူး။နားရွက်တွေပါ ရဲနေတာဖြစ်သည်။
" အမူးသမား ကောင်းကောင်းအိပ် "
Aircon ကို ပိုမြှင့်လိုက်ပြီး ကန်ချထားတဲ့ စောင်ကိုဆွဲခြုံပေးလိုက်သည်။ထယ်ဆန်းတူဆိုတော့လည်း သူ့တူလေးလိုပါပဲ။ဆယ်ဟွန်းကို ပိုင်စိုးပိုင်နင်းတွေ လာလာလုပ်လို့သာ ရန်ဖြစ်ရတာ။ဆယ်ဟွန်း ပြောလည်း ဒီဘက်နားကဝင် ဟိုဘက်နားကပြန်ထုတ်။ညစာစားပွဲမှာ ကိုယ့်အဖေအရွယ်လောက်ကိုပြန်ပြောနေလို့ ဆယ်ဟွန်းကထိန်းတာကိုလည်း သူကပဲ မကျေမနပ်ကြည့်သေးသည်။
ဘယ်တော့မှ မထားခဲ့ဘူးမို့လို့ အကြာကြီးမုန်းလို့ရပါတယ်တဲ့ .. ။ဆယ်ဟွန်းကတော့ သိပ်မယုံချင်ပါ။ပိုင်ဆိုင်လိုစိတ်ပြင်းပြနေတဲ့ အချိန်မှာတော့ ဆယ်ဟွန်းကို မျှော့လိုတွယ်ကပ်နေဦးမှာ။အသက်ကလေးရလာရင်တော့ ဆယ်ဟွန်းကို လွှတ်ပေးဖို့မျှော်လင့်မိသည်။သူ အေးအေးချမ်းချမ်းပဲ နေချင်တော့၏။
•~•
" ဦး "
နားထဲထပ်ပြီးကြားနေပြန်သည်။ညကလည်းယောင်ပြီး စကားတွေပြောနေတာမို့ ဆယ်ဟွန်းခဏခဏနိုးရသည်။ခုလည်းထပ်ပြီးကြားနေရတာမို့ ခေါင်းအုံးကို နားမှာကပ်ပစ်ကာ တစ်ဖက်လှည့်အိပ်လိုက်သည်။
" ဦး .. နေမကောင်းလို့လား .. ဒီလောက်အိပ်နေတာ "
မျက်လုံးတွေ တဖြည်းဖြည်းကျင့်သားရသွားသည်နှင့် နားထဲကြားရတဲ့ အသံတွေကပီပြင်စွာ။ကျောဘက်ဆီမှ ပူနွေးတဲ့ အထိအတွေ့ကိုခံစားရမှ နောက်လှည့်ကြည့်လိုက်သည်။
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
