[Unicode]
" နောက်ထပ်သွားချင်တာရှိရင် ကိုယ့်ကိုပြောနော် "
Resort ကနေပြန်လာပြီး ကျောင်းလည်းမဖွင့်သေးသည်မို့ ဂျုံအင်ကိုပြောလိုက်မိသည်။ဆယ်ဟွန်းရင်ခွင်ထဲမှာ ငြိမ်နေတဲ့ ကလေးလေးက အိပ်တောင်ပျော်နေပြီ။နေ့လယ်ခင်းပဲရှိသေးတာကို အိပ်နေပြန်ပါပြီ။ညဘက်တွေဆို မအိပ်ဘူး။ပြီးရင် ဆယ်ဟွန်းကိုလည်းပေးမအိပ်ဘူး။
ရင်ခွင်ထဲက မျက်နှာလေးကိုပဲ လက်ထောက်ကာ ငေးကြည့်နေလိုက်တော့သည်။မျက်လုံးမှိတ်ထားလို့ မျက်တောင်လေးတွေက စင်းနေပြီး နှုတ်ခမ်းလေးက ခါတိုင်းထက်ပိုပြီး လုံးနေသလိုလို။ဆယ်ဟွန်းကအမြဲအစားကိုသေချာစားစေလို့ ဂျုံအင်ပါးလေးတွေတောင်ပြန်ဖောင်းလာပြီ။
" ဘာလို့ အရမ်းချစ်ဖို့ကောင်းရတာလဲ "
ပါးပြင်ကို ငုံ့နမ်းရင်း ရေရွတ်မိတော့ နှုတ်ခမ်းလေးကပြုံးသွားလေသည်။ပြီးမှ မျက်လုံးတွေကို ဖွင့်ကြည့်လာသည်။
" မအိပ်သေးဘဲနဲ့ .. ဘာလို့အိပ်ချင်ယောင်ဆောင်နေတာလဲ "
" အိပ်ပျော်တော့မလို့လေ .. ဦးက အနမ်းသူခိုးလေးလုပ်နေတာကိုး "
" အရင်က အမြဲခိုးခိုးနမ်းတာဘယ်သူပါလိမ့် "
" ဦးရဲ့သက်ဆိုင်သူမို့ နမ်းတာပါနော် .. မကြိုက်ဘူးလား "
" ကြိုက်တယ် "
ဆယ်ဟွန်းအဖြေကြောင့် ဂျုံအင် နှုတ်ခမ်းတွေက ပြုံးသွားတော့သည်။ဆယ်ဟွန်း ထိုနှုတ်ခမ်းတွေကို ထိတယ်ဆိုရုံမျှ လှမ်းနမ်းမိသည်။အချိန်တိုင်း သဘောကျရတဲ့ ဂျုံအင်ရဲ့နှုတ်ခမ်းလေးတွေ။
" ဒါပဲလား "
" ဘာကိုလဲ "
" နမ်းတာကလည်း ၁စက္ကန့်တောင်မကြာဘူး "
" အဲ့တာဆို ဘယ်လိုနမ်းရမှာလဲ "
ဆယ်ဟွန်း ညစ်ကျယ်ကျယ်ပြုံးရင်းမေးတော့ ဂျုံအင်က ခပ်တိုးတိုးရယ်ကာ ရင်ခွင်ထဲက ထွက်သည်။ဆယ်ဟွန်း လက်ထောက်ထားရာမှ ခေါင်းအုံးပေါ် ခေါင်းချလိုက်တာနှင့် ဂျုံအင်ရဲ့ လက်နှစ်ဖက်က ခေါင်းအုံးရဲ့ဘေး တစ်ဖက်တစ်ချက်ဆီမှာ ထောက်ပြီး ဆယ်ဟွန်းကို အုပ်မိုးလာသည်။
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
