[Unicode]
" Happy Birthday ကလေးလေး "
နှစ်တွေကြာသွားတာတောင် နဖူးပေါ်က နွေးထွေးမှုနဲ့ မွေးနေ့ဆုတောင်းစကားသံဟာ မပြောင်းလဲ။အိပ်ချင်စိတ်ကြောင့် ဦးရဲ့စကားကိုတုံ့ပြန်နိုင်စွမ်းပင်မရှိ။နွေးထွေးပြီးမွှေးနေတဲ့ ဦးရင်ခွင်ထဲသာ တိုးဝင်ရင်း ကောင်းမွန်တဲ့အိပ်မက်တံတားပေါ်ကိုတက်ခဲ့လိုက်သည်။
" ဝါးးး "
ကျယ်လောင်စွာသန်းဝေရင်း ဂျုံအင်ကုတင်ပေါ်ကနေထရပ်လိုက်သည်။ချစ်လှစွာသော ဦးကတော့ အခန်းထဲမှာရှိမနေ။မျက်နှာမသစ်သေးဘဲ အိမ်ပေါ်ထပ်ကနေဆင်းခဲ့ချိန် တိုင်ကပ်နာရီက မနက်၉နာရီအတိကို ညွှန်ပြနေလေသည်။
" ဦး "
မေမေတို့က မနက်စာစားနေပေမယ့် ဦးကတော့ မီးဖိုနားမှာ ဘာလုပ်နေသည်မသိ။ဂျုံအင်ခေါ်မှလှည့်ကြည့်သည်။ပြီးမှ ဂျုံအင်ရပ်နေတဲ့ လှေကားရင်းနားလာရပ်ရင်း မေးတော့သည်။
" နိုးပြီလား ကလေးလေး .. မျက်နှာမသစ်ရသေးဘူးလား "
" ဟုတ် "
ဂျုံအင်က လှေကားဒုတိယထစ်မှာရပ်နေတာမို့ ဦးထက်အနည်းငယ်မြင့်နေလေသည်။ဦး လည်ပင်းကိုလှမ်းချိတ်တွယ်လိုက်ရင်း ခြေထောက်တွေကို ဦးရဲ့ခါးမှာလှမ်းခွလိုက်သည်။ဦးက ခဏတော့ ယိုင်သွားပေမယ့် ထိန်းလိုက်နိုင်သည်။
" ကိုယ်တို့ နှစ်ယောက်လုံးလဲရင် ခိုက်မိမှာနော် .. ချီရမယ်ဆို ကြိုပြောလို့ပြောထားတယ်လေ "
" မွေးနေ့ရှင်ကိုဆူတာလား "
" မင်းအခု 24 နှစ်ပြည့်ပြီနော် ကလေးလုပ်နေတုန်းလား "
" ဦးပဲ အမြဲကလေးလေးလုပ်ဆို "
" တစ်ခွန်းမှကိုမခံပါလား "
ဦးက ခပ်တိုးတိုးရေရွတ်ရင်း ဂျုံအင်ကိုပွေ့ချီကာ ရေချိုးခန်းထဲပို့ပေးသည်။ဂျုံအင်က အေးစက်နေတဲ့ ဆောင်းတွင်းတွေဆို ၂ရက်မှတစ်ခါ ရေချိုးတာမို့ ဦးက ရေမစပ်ပေး။သွားတိုက်ဆေးညှစ်ထည့်ပြီးသား သွားတိုက်တံကိုသာလှမ်းပေးသည်။
" ဆောင်းကုန်ရင်တော့ နေ့တိုင်းရေချိုးရမှာနော် .. မင်းနဲ့အတူ အိပ်နေတဲ့ ကိုယ့်ကိုလည်းအားနာဦး "
YOU ARE READING
The One I Hate Becomes Mine
FanfictionSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
