[Unicode]
" ဂန်ဆိုးအာက ရှေ့ဆက်တိုးနေတာဘဲ "
ဆောင်ဝူး စားပွဲပေါ်က ဖိတ်စာလေးကိုယူကြည့်ရင်းပြောလိုက်မိသည်။ဟိုနေ့က ဂန်ဆိုးအာနဲ့ဂျုံအင်ထိပ်တိုက်တွေ့တော့ ပြဿနာတွေပြီးသွားပြီထင်နေတာ။မဟုတ်ဘူးဘဲ။
" ဦးလေးပတ်က သိနေတယ် "
" ဟင် ဘာကိုလဲ "
ဂျုံအင်က ဆေးလိပ်ကိုပြာခွက်ထဲထိုးခြေလိုက်ရင်း ဆောင်ဝူးကို တုံးလိုက်တာဟူသောသဘောဖြင့်ကြည့်သည်။
" ငါတို့ ဦးကို သွားရှုပ်နေတာတွေလေ "
" ငါ့အဖေ အိုဆယ်ဟွန်းကို သွားတော့မပြောလောက်ဘူးထင်တာပဲ "
" အင်းမပြောတတ်ဘူး .. ပြောလည်း ငါ့ကိုဘယ်သူမှတားလို့ရမှာမဟုတ်တော့ဘူး .. ငါ့ရဲ့လုပ်ရပ်တွေက ဦးကိုအပိုင်ရမှ ရပ်မှာ "
" အချစ်ရူး "
" အခုမှသိလား "
ဂျုံအင် နောက်ထပ်ဆေးလိပ်တစ်လိပ်ကိုမီးညှိရင်း ရယ်ကာပြောလာသည်။ခက်တာက ဂျုံအင်လက်တွေတုန်ယင်နေတာဘဲ။ဆေးလိပ်ကိုင်ထားတဲ့လက်ကတုန်နေသလို မီးခြစ်ကိုင်ထားတဲ့လက်ကလည်းတုန်နေတာမို့ တော်တော်နှင့်ညှိလို့မရ။
" ဂျုံအင် "
" ဟင် "
နာမည်ခေါ်ရင်း မီးညှိပေးတော့ ဆောင်ဝူးကိုမော့ကြည့်လာသည်။အဲ့အကြည့်တွေက အိုဆယ်ဟွန်းနဲ့တွေ့ပြီးနောက်ပိုင်းမှ ဂျုံအင်ကြည့်တတ်တဲ့အကြည့်တွေ။သူသိတဲ့ ဂင်ဂျုံအင်က လူတစ်ယောက်ကိုကြည့်ရင် အသက်မပါတဲ့မျက်လုံးတွေနှင့်ကြည့်တာဖြစ်သည်။
" မင်း .. အိုဆယ်ဟွန်းကို သေချာပေါက်အပိုင်ရမှာ "
ပုခုံးကိုဆုပ်ကိုင်ကာပြောတော့ ဂျုံအင်က ချက်ချင်းအကြည့်လွှဲသွားသည်။ခဏကြာမှ အင်း ဟုတိုးတိုးလေးဖြေလာသည်။အိုဆယ်ဟွန်းကို မပိုင်ဆိုင်ရမှာ ဂျုံအင် ကြောက်နေတာသူသိသည်။ပွေ့ဖက်ပေးရင်လည်း ကြိုက်မှာမဟုတ်တာမို့ ဆောင်ဝူး သက်ပြင်းသာချလိုက်မိတော့သည်။
•~•
" ဂျုံအင် ဒီမှာကြည့်စမ်း "
မင်္ဂလာပွဲရက်နီးလာလေ ဂျုံအင်ကပုံမှန်လူနှင့်တောင်မတူတော့သလို။ညတွေလည်းမအိပ်သလို နိုးနေရင်လည်း ဘာမှမလုပ်ဘဲ ပြတင်းပေါက်ကနေ တဆင့် အပြင်ကိုငေးကြည့်နေတတ်သည်။ကိစ္စတွေဆက်လုပ်ဖို့လည်းမပြောလာတာကြောင့် ဆောင်ဝူးမှာ အသည်းတယားယားနှင့်ကြည့်နေရသည်။
VOCÊ ESTÁ LENDO
The One I Hate Becomes Mine
FanficSEHUN X JONGIN ကျွန်တော်မုန်းတဲ့သူကခေါ်တယ် ''ဦး'' တဲ့ ။ ကြၽန္ေတာ္မုန္းတဲ့သူကေခၚတယ္ ''ဦး'' တဲ့ ။ Cover photo by adorable girl 💕 #UzumakiHaruto #SEKAI #EXOFANFICTION Reading List လေးတွေ သေချာကြည့်ထည့်ပေးကြပါ EXO SeKai Fanfic ပါနော် Reading List ေလး...
