အပ်ချည် ခရမ်းရောင်လေးနဲ့ ပိုးသားအဖြူရောင်ပေါ်မှာ မင်းထက် နှင်းပန်းပွင့်လေးကို ပုံဖော်ထိုးနေသည်။ဒီကိုရောက်တဲ့အချိန်တုန်းက သေမှာကြောက်ပြီး ပြန်ချင်တဲ့စိတ်ပဲကြီးစိုးနေတာ။တဖြည်းဖြည်း ဘုရင်ရာဇအပေါ် မေတ္တာရှိလာတော့ ကိုယ့်ဖြစ်တည်မှုကို မေ့လျော့နေလေခဲ့သည်။သာမန်ဘဝကို ပြန်မရောက်ရင်နေပါစေတော့ လိုတရနေတဲ့ မင်းကြီးနဲ့အတူ မိသားစုဆိုတဲ့ကမ္ဘာလေးကို မင်းထက် ဒီရာစုနှစ်ထဲမှာပဲ တည်ဆောက်ချင်တော့သည်။စရောက်တုန်းက လွဲချော်မှုတွေကို ပြန်တွေးမိတော့ မရယ်ဘဲမနေနိုင်။သူတကယ်ကို အကုန်ပတ်မွှေခဲ့တာပဲ။
အညိုရောင်မျက်ဝန်းတွေအောက်မှာ နေရသ၍ ဒီဝတ္ထုကို ရေးတဲ့ စာရေးဆရာရော သူ့ကိုရောက်ရှိအောင် ပို့လိုက်တဲ့ ကံကြမ္မာကိုရော အပြစ်တင်လိုစိတ်မရှိတော့ပါ။အကုန်ရင်ဆိုင်နိုင်အောင် ကြိုးစားရမယ်။
ပန်းပွင့်လေးနဲ့အတူ သစ်ရွက်အစိမ်းကိုပါ လက်စသတ်လိုက်ပြီး အရှင့်ကိုစောင့်နေလိုက်သည်။နန်းတွင်းရေးရာသာမက တိုင်းပြည်အရေးပါ အာရုံစိုက်နေရတဲ့ ဘုရင်တစ်ပါးမို့ သူ့နားအချိန်ပြည့်ရှိမနေနိုင်သော်လည်း ရှိတဲ့အချိန်တိုင်း လိုလေသေးမရှိဂရုစိုက်ပေးသည်။
အဆောင်ရှေ့က အစေခံတွေရဲ့ ဦးညွှတ်ကာအရိုသေပေးသံကြောင့် မင်းထက် တံခါးပေါက်နားထသွားလိုက်ပြီး ဆီးကြိုပြုတော့ ပင်ပန်းနေတဲ့အရှင်က ပွေ့ဖက်လာသည်။
"ညနေစာ စားပြီးပြီလား ကဉ္စန "
"မစားသေးဘူး အရှင့်ကိုစောင့်နေတာ"
"ဒါဆို ပွဲတော်တည်ဖို့ မိန့်လိုက်တော့မယ်နော် "
"ဟုတ် .... အရှင်... ဒါလေး"
ရာဇလက်ထဲသို့ စောစောက ထိုးထားတဲ့ ပိုးသားစလေးကို ထည့်ပေးလိုက်သည်။
"အရှင်သဘောကျတယ်ဆိုတဲ့ ပန်းလေး "
လက်ထဲက အစလေးကိုကြည့်ကာ ရာဇပြုံးရယ်လာပြီး ကဉ္စနပါးလေးကို နမ်းလိုက်သည်။ထို့နောက် ဝတ်ရုံ ရင်ဘတ်ထဲကို အသာထိုးထည့်လိုက်ပြီး
![](https://img.wattpad.com/cover/255326530-288-k333348.jpg)
YOU ARE READING
ရာဇဝင်ထဲက Fudanshi
FantasyBL ဝတ္ထုရေးတဲ့ စာရေးဆရာတစ်ယောက်က သူဘယ်လောက်ဘဲ ကြိုးစားရေးနေပါစေ စာဖတ်သူတွေက အကြိုက်မတွေ့ဘူး။ယုတ္တိမရှိဘူးဆိုပြီး ဆိုးဝါးတဲ့ မှတ်ချက်တွေပေးတယ်။ တစ်နေ့ မခံချင်စိတ်ဖြင့် သူဘာတွေလိုအပ်နေလဲ သိရအောင် လတ်တလောရေပန်းစားနေသော နာမည်ကြီး ဝတ္ထုတစ်အုပ်ကို သွားဖတ်...