وما باليّ بعد أن كنت قنوعًا في دعائي، أضحيت لحوحًا في طلبك؟
وما بال الدنيا بعد أن كنتِ غريبة عن حياتي، أصبحتِ كل حياتي ؟؟
وما بال قلبي لم يعد يخفق سوى لرؤياكِ؟؟
وما باليّ أصبحتُ شاعرًا بعد أن كنت في الحب زاهدًا ؟
طب ياشباب بالنسبة لنقطة بثينة وهادي وشيماء ...خلينا نفكر سوا ونحلل كده الأحداث حتى الآن ....وبقول حتى الآن لان لسه فيه احداث تانية ...
يا ترى مين الغلطان حتى الآن ؟؟
شيماء ؟؟؟؟ بالنسبة ليا شيماء مش غلطانة ابدا اصل هي لا ليها علاقة بما في قلب بثينة ولا بما في قلب هادي ...هي حتى متعرفش إن هادي بيحبها ولا تعرف إن بثينة بتحب هادي ...بالعكس هي شايفة نفسها أقل من أن حد يحبها اساسا وإن ده لو حصل هيكون شفقة وفاقدة الثقة في نفسها تماما وكل اللي محتاجاه ناس يكونوا جنبها دائما وده اللي لقته في اخوها وبثينة، لكن بثينة .........
طب بثينة هي اللي غلطانة ؟؟؟ بثينة حبت ابن عمها وكبرت على حبه ومرة واحدة لقته بيحب واحدة تانية فقررت انها مش هتسيبه ليها وقربت منها عشان تضمن دائما أن الواحدة دي تشوفه دائما وحش وغير مناسب ليها متعرفش اساسا أن شيماء في أحلامها متتخيلش إن واحد زي هادي يحبها ...هي اتصرفت باللي بالنسبة ليها صح وهو اي شيء متاح في حالتها حتى لو هتدوس على اللي يقف في وشها ومن وجهة نظرها هي كده ذكية بتحافظ على حبها ....بس هل يا ترى هي صح ؟؟؟؟؟
طب هادي هو اللي غلطان ؟؟؟
هادي كبر على حب اخت صاحبة مش ذنبه إن بنت عمه حبته ولا القلب بايده عشان يتحكم فيه يجب مين وميحبش مين والدليل على كده إن بثينة اجمل كتير من شيماء بس هو حبها مش عشان شكلها لا حب قلبها فمن ناحية غلطان لا هو مش غلطان هو واحد حب واحدة ومستني فرصة تكون ليه ميعرفش بحب بنت عمه ليه ومش بايده إنه يمنعها حتى لو عرف
اللي كتب هو اللي غلطان يا جماعة ...ايوة انا اللي غلطانة بعترف بس صدقوني ليا فكرة من ورا كل القصص دي إلى جانب الضحك عايزة نعيش حالة ونستفاد منها
طب هو فيه صحاب زي بثينة اساسا ؟؟؟ فيه اسود والله ولو قعدت اكتب مجلدات عن الموضوع ده مش هخلص ....فالموضوع مش بعيد ولا غريب بالعكس ده أبسط شيء ...حاليا الواقع بقى مرعب أكثر من الخيال .
طب ايه اللي هيحصل ؟؟ ببساطة هنستنى سوا الأحداث الجاية وهي اللي هتبين كل حاجة
واخيرا يمكن اول مرة اكتب عن موضوع إن الصحاب يكونوا هما الاشرار وهكذا بس صدقوني لسه فيه كتير اوي والمتعة لسه في أولها
حابة اقول كلمة واحدة بس " صبرا "
احنا لسه في البارت الخامس يا شباب والرواية في أولها ولسه اللي جاي باذن الله دمار واهو بجرب نوع جديد معاكم
اللي قال مثلث حب انا واحدة من ضمن الناس اللي بتكره مثلث الحب والهبل ده فعمري ما كتبت مثلث حب وعشان انا طيبة ومش بحب اخليكم محتارين خليت ليكم واحد من أضلاع المثلث شرير عشان متحتاروش تحبوا مين
وبس كدة اشوفكم الخميس على خير باذن الله
دمتم سالمين رحمة نبيل ❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
