شيخ في محراب قلبي ( مكتملة )

التاسع والعشرين

‏قال رسول الله ﷺ: " إن من أفضل أيامكم يوم الجمعة، فأكثروا علي من الصلاة فيه فإن صلاتكم معروضة علي " - سنن أبي داوود

______________________________

" هونت عليك يا جمال ؟؟؟ "

كانت همسة متوجعة خفيضة انطلقت من فم مصطفى الذي كان يجاهد لرفع وجهه بعدما تلقى من زكريا ما جعل حنجرته تتألم من الصراخ ...

انطلقت ضحكات يرن صداها في الغرفة عقبها صوت جمال المرعب وهو يتجه بابصاره لأخيه :

" احمد ربك يا درش إني مش حابب اوسخ ايدي بيك "

صمت ثم نظر له نظرة ...فهم مصطفى ما يقصد بها :

" وإلا......انت عارف كويس اوي اوي أنا اقدر اعمل ايه ؟؟؟"

أنهى حديثه وهو يوجه نظره لجيمي الذي كان يغمض عينه متنفسا بحدة يحاول كتم تأوه مانعا نفسه عن الصراخ كالفتيات :

" منورنا يا جيمي والله ...اهو صاحبك قدامك تعبان عشان متقولش بس إن سفريتك جات على الفاضي "

رفع جيمي عينه بغضب شديد يرمقه لجمال يتمنى لو كان يستطيع أن ينهض وينقض عليه ....

رفع جمال حاجبه باستهزاء من نظرات جيمي وهو يقول بسخرية :

" لا جيمي بتبصلي كده ليه ؟؟؟ مش خايف على روحك ولا ايه ؟؟؟"

بصق جيمي في الأرض وهو يبتسم بسخرية :

" اخاف على ايه بقى ما كله محصل بعضه يا جمال باشا "

ادعى جمال التفكير في حديثه ثم قال بعد صمت قصير ببسمة :

" انت عندك حق فعلا .... ألا قولي يا جيمي هو السيد الوالد ضاقت بيه الدنيا وملقاش غير جمال ويسميك بيه ؟؟؟ اصل الصراحة مستخسر الاسم في خلقتك "

ابتسم جيمي ولم يجب عليه واكتفى يتنفس بغضب فقط

" انفخ انفخ ده اخرك ....ايه يا درش يا حبيبي ما تشاركنا في الحوار اللطيف ده ...مش انت كنت حابب زمان اقعد مع جيمي واتكلم معاه وادي نفسي فرصة أفهمه ؟؟؟ "

لم يجبه مصطفى يا تحدث بجمود :

" قولت لماما ؟؟؟"

" ملكش دعوه بيها من اليوم ده تعتبر نفسك خارج عيلتنا سامع ؟؟؟ غير اني سفرتها عند خالك لغاية ما انضف مكانك "

سقطت دمعة مصطفى بوجع وهو يردد :

" اخر واحد كنت أتوقعه يعمل كده يا جمال "

" وده اكبر دليل إنك متعرفنيش كويس يا مصطفى ...."

قاطع حديثهم صوت رنين هاتف جمال ليجيب سريعا ويصل له وللجميع في الغرفة صوت رجل يصدح ببعض الكلمات كانت وقعها على الجميع مُوجع لاسباب مختلفة ....