မျက်လုံးတွေလူးလွန့်လာကာ
ပါးစပ်က ကယောင်ကတမ်း ပြောနေတာမို့
Anong သက်ပြင်းချမိသည်။
" Nalta .... Nalta"
သူမအသာအယာလှုပ်နိုးကြည့်တော့
Nalta ဟာမျက်လုံးတွေအသာအယာဖွင့်ကြည့်သည်။
" ငါသူ့ကိုသေချာမြင်လိုက်တယ် နွမ်
သူငါ့ဆီလာသွားတာပဲ"
သတိရရချင်းမှာပဲပြောလိုက်တဲ့
Nalta စကားကြောင့်
နွမ်ရင်ထဲမှာတော့တမျိုးဖြစ်သွားမိသည်။
"နင်အနားယူဖို့လိုနေပြီ"
နှဖူးပြင်ကိုစမ်းကြည့်တော့ ခြစ်ခြစ်တောက်ပူနေဆဲ
ပေတေနေလိုက်တာ Nalta ရယ်
ကိုယ့်ကိုယ်ကိုယ်နေကောင်းလား
နေမကောင်းလားတောင်မသိဘူးလား
သူမမှတ်မိသလောက် Nalta ဟာကျောင်းကတည်းက အေးအေးဆေးဆေးနေတက်သလို
မိန်းမကိစ္စနဲ့ပတ်သက်ပြီးဘာအသံမှသိပ်မထွက်ခဲ့သူဖြစ်သည်။
သူ့ကိုကျိတ်ကြွေရသောမိန်းကလေးတွေပင်
သူ့ကိုရှိန်ကြတာမို့အနားသိပ်မကပ်ရဲခဲ့ကြပါ။
စိမ်းကားရက်စက်ပြီး
သွေးအေးအေးရှိခဲ့သည့်လူတစ်ယောက်မှာ
ဒီလိုချစ်တက်တဲ့ အသည်းနှလုံးရှိမည်ဟုမထင်ခဲ့ပါ။
ဂရုဏာဒေါသနဲ့အတူငေးစိုက်နေရင်း
သူ့လက်ထဲက IV catheter ထဲကို
ဆေးတစ်လုံးထပ်ထိုးပေးလိုက်သည်။
" နင်ပြောသလိုပဲ
ငါ့ကိုမျှော်လင့်ချက်ထားဆိုတာလေ
ငါအခုသိပြီနွမ်
ငါ့ရဲ့မျှော်လင့်ချက်ကမိသားစုပဲ
ငါ့ရဲ့မျှော်လင့်ချက်ကနဒီပဲ"
ဆေးထိုးနေပေမဲ့သူ့ပုံစံကနာကျင်နေတဲ့ပုံမပေါ် မျက်နှာကြက်ကိုငေးစိုက်ကာပြောနေပုံက
ဆုံးဖြတ်ချက်တွေခိုင်မာနေခဲ့ပုံဖြစ်သည်။
" အသေအချာသိသွားပြီဆိုရင်
နင့်မျှော်လင့်ချက်ကိုပြန်အကောင်အထည်ဖော်ပေါ့
တစ်ယောက်တည်းခံစားရမဲ့လမ်းကိုမရွေးနဲ့လေ
စိတ်ဒဏ်ရာဆိုတာကိုယ်ကိုယ်တိုင်ကမခံယူရင်
ဘယ်သူမှလာမပေးနိုင်ဘူး
ပျော်ရွှင်မှုဆိုတာကိုယ်တိုင်ရှာဖွေယူရတာ"
YOU ARE READING
I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)
Romanceမေနဒီနဲ့ ထိုင်းနိုင်ငံသားလေး Naltapuk ကြားက လွဲခဲ့တဲ့ အမှားတွေကြား ဘယ်လိုပြင်ဆင်ကြမလဲ သိပ်ချစ်ခဲ့တယ်ဆိုပေမဲ့ အထင်လွဲမှားမှုတွေဟာ အဆမတန်ကြီးထွားလာတဲ့အခါ..... မေနဒီဆိုတာ The Mafia's Weakness Season 2 က side character လေးပါ ❤️
