" ခြေထောက်ကတော်တော်လေးထိသွားတာပဲ
အနာကျက်ရင်တောင် အတော်လေးအနားယူရမယ်"
ဆရာဝန်ပြောတဲ့စကားကိုနဒီဟာမျက်နှာလေးရှုံ့တွလျက်နားထောင်နေခဲ့သည်။
" အမာရွတ်ကအကြီးကြီးကျန်နေမှာလားဆရာ"
နဂိုမှ အလှအပကြိုက်သူပီပီ နဒီဟာ သူ့ခြေထောက်သူပင်မကြည့်ချင်ပါ။
" အမာရွတ်ကတော့ လေဆာနဲ့ဖျောက်လို့ရသလို
တခြားနည်းလမ်းတွေလည်းရှိတာဆိုတော့ စိတ်မပူပါနဲ့"
ဆရာဝန်ဟာရယ်မောမောနဲ့အားပေးနေပေမဲ့
နဒီတော့မပျော်နိုင်ခဲ့....
အရာအားလုံးထက် ၁ လ လောက်တော့
ဒုက္ခိတကြီးလိုနေရမှာစိတ်ညစ်မိသည်။
အိမ်ကလည်းဘယ်လောက်တောင်လောင်ကျွမ်းသွားလဲမသိပါ။
ခခလေးအဝတ်တွေ
နဒီ့အဝတ်တွေ
နောက်ပြီး နှမြောဆုံးက ခခလေးရဲ့ ဓာတ်ပုံ album လေးတွေပဲဖြစ်သည်။
နေကောင်းလာပေမဲ့ လူနာလာကြည့်တဲ့သူတွေကတော့ တဖွဲဖွဲပင်
အခုလည်းကိုကျော်စွာတို့လင်မယားနဲ့ အတူ
ကိုရဲခေါင်တို့အတွဲပါ အခန်းထဲရောက်နေတာမို့
ခွန်အပါအဝင်လူနာစောင့် အုပ်စုကြီးဟာအတော်လေး
တောင့်နေခဲ့သည်။
ဒါတောင်စောနကတင် ရှင်ပိုးနဲ့ကိုတေဇတို့ ပြန်သွားတာမို့လူချောင်သွားခြင်းဖြစ်၏။
အခန်းထဲကို သစ်သီးခြင်းနဲ့ဝင်လာတဲ့ လူတစ်ယောက်ကြောင့်
အားလုံးရဲ့မျက်လုံးတွေဟာထိုလူ့ထံရောက်သွားကြသည်။
အားလုံးထဲတွင် စူးစူးရဲရဲကြည့်နေသူမှာတော့ခွန်ဖြစ်သည်။
" နဒီသက်သာပြီလား"
ကိုကောင်းဆက် ဟာနဒီ့ကုတင်တဲ့အနီးဆုံးနေရာထိ
တိုးကပ်ကာထိုင်နေတာမို့
ခွန်ဟာဆူပုပ်ကာခါးထောက်ကြည့်နေတော့၏။
" ဟုတ် ကိုကောင်းဆက်သွေး
အလုပ်ကတော့ခွင့်ယူရတော့မယ်ထင်တယ်"
" ရပါတယ်နဒီရယ်
မသေကောင်းမပျောက်ကောင်း
အသက်ရှင်နေပေးတာနဲ့ တင်ကျေးဇူးတင်ပါတယ်"
YOU ARE READING
I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)
Romanceမေနဒီနဲ့ ထိုင်းနိုင်ငံသားလေး Naltapuk ကြားက လွဲခဲ့တဲ့ အမှားတွေကြား ဘယ်လိုပြင်ဆင်ကြမလဲ သိပ်ချစ်ခဲ့တယ်ဆိုပေမဲ့ အထင်လွဲမှားမှုတွေဟာ အဆမတန်ကြီးထွားလာတဲ့အခါ..... မေနဒီဆိုတာ The Mafia's Weakness Season 2 က side character လေးပါ ❤️
