I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)

Episode 14

ပါဆယ်ထုပ်တစ်ခုအခန်းရှေ့ရောက်နေတာမို့

သမီးလေးမနိုးအောင်အသာအယာဖွင့်လိုက်သည်။

ပန်းနုရောင်ဂါဝန်လေးပိစလေးတစ်ထည်အပြင်
ဂါဝန်ရှည်လေးတစ်ထည်ကိုပါတွေ့လိုက်ရတာမို့ စိတ်ထဲမှာလှိုက်ခနဲကြည်နူးမိသွားသည်။

" နဒီနဲ့ ခခလေးညနေဝတ်ဖို့ " ဆိုတဲ့စာသားလေးကြောင့်ပြုံးမိသွားတာတော့အမှန်ပင်

ရှင်ဟာသိပ်နားလည်ရခက်ပါလား ခွန်

ကျွန်မကို ရေလိုကစားလိုက်
မီးလိုကစားလိုက်နဲ့ပါလား

တစ်မနက်လုံးဆိုင်ထဲမှာပန်းတွေဆင်နေတဲ့
သူ့ကို ပြတင်းပေါက်မှရင်တထိပ်ထိပ်နဲ့ ငေးကြည့်လိုက်သည်။

မနက်ခင်းနေရောင်ခြည်အောက်မှာ ချွေးတွေပြိုက်ပြိုက်ကျနေတာမို့ ခွန့်ရဲ့T shirt တွေဟာစိုကာရွှဲနေခဲ့သည်။

အနွေးထည်ကိုကောက်စွပ်ရင်းဆိုင်ဘက်ကိုထွက်လာခဲ့သည်။

" ခွန်မနက်ကဘာစားထားတာတွေ့လဲ"

သူမမေးတော့ ဆိုင်ကကောင်လေးဟာ နားမလည်နိုင်တဲ့မျက်ဝန်းတွေနဲ့သူမကိုကြည့်သည်။

တကယ်ဆို ကိုယ်တိုင်မေးကြည့်ပါလားလို့ဆိုလိုချင်ပုံရ​၏

"အမကို ကော်ဖီရယ် France toast ရယ်လုပ်ပေးပြီးရင် ခွန့်ကိုခေါ်ကျွေးပေးပါလား"

နဒီ့အပြောကိုကောင်လေးဟာ အူကြောင်ကြောင်ဖြစ်နေပေမဲ့ ခေါင်းညိတ်ပြ​၏။

လင်မယားမဟုတ်တော့တာမို့ အရင်လိုချော့မော့ကြင်နာပြဖို့အတွက်တော့ မသိစိတ်ကစိုးထိပ်နေမိသည်။

ဆိုင်တစ်ခုလုံးကိုဝေ့ဝဲကြည့်တော့
ပန်းဖြူဖြူလေးတွေဟာတစ်ဆိုင်လုံးဖွေးဖွေးလှုပ်နေခဲ့သည်။

ပိုက်ဆံရှိရင်ပေးနိုင်တဲ့ပျော်ရွှင်မှုထက်
နဒီကတော့ မေတ္တာတရားက ပျော်ရွှင်မှုကိုပိုတန်ဖိုးထား​၏။

ဒါဟာ ကိုယ်မပိုင်ဆိုင်ရလို့တွေးမိခြင်းမဟုတ်ပါ...

ခွန့်ထံကအကြိမ်ကြိမ်ရရှိဖူးခဲ့သော
ပျော်ရွှင်မှုတွေသည် မေတ္တာတရားကိုအခြေခံခဲ့မှန်း နဒီသိသည်။