I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)

Episode 24

Wise men say
Only fools rush in
But I can't help falling in love with you
Shall I stay?
Would it be a sin
If I can't help falling in love with you?
Like a river flows
Surely to the sea
Darling, so it goes
Some things are meant to be
Take my hand
Take my whole life too
For I can't help falling in love with you

ခပ်လှမ်းလှမ်း beach bar ကပျံ့လွင့်လာတဲ့ သီချင်းလေးကိုကြားတော့
နှစ်ယောက်သားတစ်ယောက်မျက်နှာတစ်ယောက်ကြည့်ရင်းပြုံးမိသည်။
ဒီသီချင်းနဲ့အမှတ်ရစရာတွေအတော်များများရှိခဲ့တယ်မဟုတ်လား

သီချင်းထဲကလိုပင်ရူးရင်လည်းရူးတယ်ပြောကြပါစေ
နဒီဟာခွန့်ဟာမချစ်ပဲမနေနိုင်ခဲ့ပါ။

ကမ်းခြေဘက်ကို
သစ်သား ဝရံတာလေး ထုတ်ထားတဲ့နေရာလေးမှ
မေနဒီသည် ခွန့်ရဲ့ရင်ခွင်ကျယ်ထဲကိုတိုးခွေ့ဝင်ရောက်နေခဲ့သည်။

" ရန်ကုန်ရောက်ရင်
ကို့ထက်တစ်ရက်နောက်ကျပြီးမှ အိမ်ပြန်နော်
ဒါမှ လေဆိပ်ကိုလာကြိုလို့ရမှာ"

နဖူးပြင်လေးတွေကိုခပ်ဖွဖွနမ်းရှုပ်လိုက်တော့
နဒီဟာ သူ့ကို နူးညံ့နွေးထွေးတဲ့ မျက်လုံးတွေနဲ့ မော့ကြည့်နေခဲ့သည်။

" တစ်ရက်တည်းနဲ့ဘာမှမဖြစ်ပါဘူးခွန်ရယ်" တဲ့

မဖြစ်ဘူးနဒီ
လုံးဝမဖြစ်ဘူး

သူသာ မိနစ်ပိုင်းလောက်နောက်ကျရင်
နဒီရော ခခရောကိုပါဆုံးရှုံးရတော့မလိုဖြစ်ရပ်မျိုး
ဖြစ်ခဲ့ပြီးပြီမဟုတ်လား

နင့်သီးလာတဲ့ ခံစားချက်တွေဟာ
လည်မျိုအထိပူလောင်ကာမွန်းကြပ်လာခဲ့သည်။

အိမ်ပြန်ရမှာပင် သူ့စိတ်ထဲစိုးထိတ်နေမိတာနဒီတော့သိမည်မထင်ပါ

" ကိုစိတ်ပူလို့
ကို့စကားနားထောင်ပါနော်"

သူရှေ့မှာ မက်မက်ကလေးရပ်နေခဲ့သောမျက်လုံးနက်နက်နဲကောင်မလေးကို
သူအဆုံးရှုံးမခံနိုင်တော့တာသေချာ​၏။

" စိတ်မပူနဲ့နော်
နဒီနဲ့ ခခလေး
ခွန်စိတ်မပူရအောင်ဂရုစိုက်နေပါ့မယ်"