ရန်ကုန်လေဆိပ်မှာလေယာဉ်ဆင်းတော့
မိန့်မိန့်ကြီးကြိုနေတဲ့ခွန့်ကိုလူကြားထဲမှာ
ထင်းခနဲတွေ့လိုက်ရသည်။
ပေါ့ပေါ့ပါးပါး shirt အင်္ကျီလက်တိုကို
ဘောင်းဘီအတိုလေးနဲ့ဝတ်ထားတဲ့ခွန်ဟာ
ကလေးအဖေလို့ပြောရင်တောင်
ဘယ်သူမှယုံမည်မထင်ပါ
မန္တလေးမှ ရန်ကုန်ထိ ခွန်ဟာ ကားကို ကြိုမောင်းလာကာ
နဒီနဲ့ ခခတို့ကိုလေဆိပ်မှကြိုစောင့်နေခြင်းဖြစ်သည်။
" ကိုတို့က တောင်ပေါ်လူသားတွေဖြစ်နေလို့
ပင်လယ်ဘက်သွားရအောင်"
ဆိုကာ ငွေဆောင်ကိုထွက်လာခြင်းဖြစ်သည်။
ခရီးရှည်ရင်ခခလေးပင်ပန်းမှာဆိုးလို့ နဒီတို့ကိုတော့
ရန်ကုန်ထိကိုလေယာဉ်နဲ့လာဖို့ပြောထားတာဖြစ်သည်။
ခခရဲ့ဆရာမလည်းပါတာမို့ ခရီးထွက်ရတာသိပ်တော့အခက်အခဲမရှိလှပါ။
" ဗိုက်ဆာလား တစ်ခုခုစားပြီးမှ
ပုသိမ်ကိုတန်းမောင်းကြမလား"
ရောက်ရောက်ခြင်းလက်ကလေးတွေကိုတယုတယလာကိုင်သောခွန့်ကြောင့် နဒီ သိမ့်ခနဲပြုံးမိသွားသည်။
" ဒီနားမှာ ထိုင်းစားသောက်ဆိုင်ကောင်းကောင်းရှိတယ် စားပြီးမှသွားကြအောင်လေ"
" ဟာ ခွန်ကလည်း နဒီက Burger king စားမှာ
ထိုင်းအစားစာကြီးမုန်းနေပြီ"
နဒီဟာနှုတ်ခမ်းလေးတွေပါဆူပုတ်ရင်း
ပြောတော့သည်။
ခွန်ဟာတစ်ခါလာလည်းထိုင်းဆိုင်
တစ်ခါလာလည်းထိုင်းအစားစာမို့
နဒီကတော့ တုန်ယမ်းဟင်းချိုကိုပင်
မမြင်ချင်တော့သည်အထိဖြစ်လာသည်။
" ထိုင်းကကောင်ကိုရှာယူထားပြီး
ထိုင်းအစားစာကိုမုန်းလို့မရဘူးလေကလေးမရဲ့"
"အဲ့ဒါဆိုင်လို့လား ဒါဆို နဒီ ကချစ်တီးထမင်းတို့ india အစားစာတွေသိပ်ကြိုက်တာ
india ကကောင်လေးကိုရှာယူရမှာလား"
YOU ARE READING
I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)
Romanceမေနဒီနဲ့ ထိုင်းနိုင်ငံသားလေး Naltapuk ကြားက လွဲခဲ့တဲ့ အမှားတွေကြား ဘယ်လိုပြင်ဆင်ကြမလဲ သိပ်ချစ်ခဲ့တယ်ဆိုပေမဲ့ အထင်လွဲမှားမှုတွေဟာ အဆမတန်ကြီးထွားလာတဲ့အခါ..... မေနဒီဆိုတာ The Mafia's Weakness Season 2 က side character လေးပါ ❤️
