မိုးကခပ်ဖွဲဖွဲရွာနေသည့်အပြင်
ရာသီဥတုကအုံ့မှိုင်းနေတာမို့...
ပြင်ဆင်ထားတဲ့ အရာတွေကိုကြည့်ရင်း
သူရင်လေးနေမိသည်။
နဒီ့ကိုပြင်ဦးလွင်ထိခေါ်လာဖို့ကိုတော့
ရှင်ပိုးကိုအကူညီတောင်းထားရသည်။
ပြင်ဦးလွင်နဲ့ မန္တလေးက လမ်းတွေကောင်းနေပြီမို့
အိမ်ဦးကြမ်းပြင်လို မြန်ဆန်၏။
သူကတော့ခြေဖျားလက်ဖျားတွေအေးစက်ကာ
ဂဏှာမငြိမ်တော့ပါ။
" ငြိမ်ငြိမ်ထိုင်နေပါကွာ
ရောက်လာမှာပေါ့"
ဘောင်းဘီအိပ်ကပ်ထဲကိုလက်နှိုက်ရင်း
ခေါက်တုန့်ခေါက်ပြန်လျောက်နေသော
သူ့ကို စိုင်းကျော်စွာမှမေးငေါ့ကာလှမ်းပြောသည်။
သူကတော့ အောင်စာရင်းထွက်ခါနီးကျောင်းသားလေးလို ရင်တွေတဒိတ်ဒိတ်ခုန်နေခဲ့၏။
" ငါ့ပုံစံဘယ်လိုနေလဲ အဆင်ပြေရဲ့လား"
စိုင်းကျော်စွာဘက်လှည့်ကာစိုးရိမ်တကြီးနဲ့မေးလိုက်သော
သူ့ကို နှစ်ကောင်သားတစ်ယောက်မျက်နှာတစ်ယောက်ကြည့်ပြီးစခွီတော့သည်။
" မင်းတို့ကငါ့ကိုလှောင်တာလား"
တစ်ခါမှ ဆံပင်ကို အခုလိုလှန်တင်ပြီးမဖီးဘူးတာကြောင့်
စိတ်ထဲမှာနည်းနည်းတမျိုးဖြစ်နေတာမို့
မေးခြင်းကို ဒီကောင်တွေက တခွီးခွီးထလှောင်နေသည်။
တော်တော်အားကိုးရတဲ့ကောင်တွေ
"စတာ စတာ
ငါ့ကောင်လောက် fine တာ ငါ့ကောင်ပဲရှိတယ်
နဒီမပြောနဲ့ ငါတောင်ကြိုက်လာပြီ"
ရဲခေါင်ရဲ့စကားကြောင့် သူကြက်သီးတွေတဖြန်းဖြန်းထလာသည်။
" သေချင်းဆိုး ငါ့ကိုမကြည့်နဲ့
မင်းကယုံရတာမဟုတ်ဘူး"
ခပ်တိုးတိုးဆဲရေးရင်း
မျက်လုံးကတော့ကားပါကင်ဆီတမျှော်မျှော်သာ
ပြင်ဦးလွင်ရဲ့ မိုးနဲ့ဆောင်းရောနေခဲ့တဲ့အအေးဓာတ်
အောက်မှာတောင် သူ့ရင်တွေပူနေခဲ့သည်။
STAI LEGGENDO
I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)
Storie d'Amoreမေနဒီနဲ့ ထိုင်းနိုင်ငံသားလေး Naltapuk ကြားက လွဲခဲ့တဲ့ အမှားတွေကြား ဘယ်လိုပြင်ဆင်ကြမလဲ သိပ်ချစ်ခဲ့တယ်ဆိုပေမဲ့ အထင်လွဲမှားမှုတွေဟာ အဆမတန်ကြီးထွားလာတဲ့အခါ..... မေနဒီဆိုတာ The Mafia's Weakness Season 2 က side character လေးပါ ❤️
