" ရှင်မသွားခင်ထိတော့ဒီမှာနေနှင့်ပေါ့
ရှေ့နေကိစ္စကတော့ ကျွန်မစီစဉ်ထားတယ်
မနက်ဖြန်ကျွန်မတို့ကွာရှင်းကြတာပေါ့"
မေနဒီ့ စကားဟာ သူ့ကို အနုနည်းနဲ့ နှင်ချနေတာလား
နောက်ဆုံးအနေနဲ့ နှစ်သိမ့်အားပေးချင်တာလားသူမဝေခွဲနိုင်ပါ။
ရေချိုးခန်းထဲမှထွက်လာကာစ မို့ထင်၏
မေနဒီ့ရဲ့ ဆံပင်လေးတွေဟာမခြောက်သေး
ကြိုးတစ်လုံး ဖဲဂါဝန်လေးသာဝတ်ထားတာမို့ ပုံမှန်ထက်ပိုပြီးနုနယ်သေးကွေးနေသလို
" ပြီးတော့ ထမင်းစားတော့မလား
ရှင်ကြိုက်တဲ့ ပုဇွန်တုန်ယမ်းဟင်းချက်ထားတယ်"
ဆံပင်တွေဟာ မခြောက်သေးလို့
သဘက်နဲ့ခပ်ကြမ်းကြမ်းဆွဲပွတ်နေတဲ့သူမကို
သူဟာ ခပ်စေ့စေ့ကြည့်တယ်
" ကို ဆံပင်တွေ မှုတ်ပေး ရမလား"
အသာအယာခေါင်းညိတ်ကာ နဒီဟာ
ဘာတစ်ခုမှမဖြစ်ခဲ့သလို...
သူ့ရှေ့လာထိုင်တယ်
နောက်ကျောဘက်ကကြည့်ရင်နေရောင်အောက်မှာ
သူမရဲ့ပုခုံးသားလေးတွေဟာ တောက်ပနေခဲ့တယ်
ပါးစပ်ကသာမုန်းတယ်ပြောနေတာ
တကယ်တမ်းနဒီ့ရဲ့အရာအားလုံးကို သူနှစ်သက်ခဲ့တာပဲမဟုတ်လား
" နဒီ ဆံပင်တွေညှပ်ချလိုက်တော့မယ်
Darling သွားရင် ဆံပင်မှုတ်ပေးမဲ့သူမရှိတော့ဘူးလေ"
ဘာလို့များ သူမရဲ့စကားလုံးတွေဟာ သူ့ရင်ထဲကို လာနင့်စေရတာလဲ
သူ့ကို မုန်းတီးနေရာမှ သနားစေချင်နေတာလား
သက်ပြင်းချသံအချို့ကိုတော့ နဒီကြားမည်မထင်
ထမင်းစားပွဲပေါ်က နဒီချက်ထားတဲ့ ဟင်းလေးဟာ
အငွေ့တထောင်းထောင်းထနေသည်။
အစာအိမ်နဲ့ နှလုံးသားဟာ
တစ်ဆက်တည်းရှိနေတယ်ဆိုရင်
သူဟာ နဒီ့လက်ရာတွေကိုမေ့နိုင်မည်မထင်
သူ့ ပန်းကန်ထဲကိုထည့်ပေးတဲ့ ပုဇွန်ကို
သူသေသေချာချာ ငေးကြည့်နေမိသည်။
YOU ARE READING
I Divorced My Wife ( ကျွန်တော်ဒီမိန်းမကိုကွာရှင်းလိုက်ပြီ)
Romanceမေနဒီနဲ့ ထိုင်းနိုင်ငံသားလေး Naltapuk ကြားက လွဲခဲ့တဲ့ အမှားတွေကြား ဘယ်လိုပြင်ဆင်ကြမလဲ သိပ်ချစ်ခဲ့တယ်ဆိုပေမဲ့ အထင်လွဲမှားမှုတွေဟာ အဆမတန်ကြီးထွားလာတဲ့အခါ..... မေနဒီဆိုတာ The Mafia's Weakness Season 2 က side character လေးပါ ❤️
