[Unicode]
'ဝေလငါးရဲ့တီးတိုးသံ´ကို ပုံမှန်ရိုက်တဲ့လမ်းကြောင်းကနေ ကွဲထွက်ပြီး စတင်ခဲ့တယ်။ရှုကျဲက ဒါရိုက်တာလုပ်ဖို့ မွေးလာသူဖြစ်တယ်။သူငယ်ရွယ်စဥ်က box officeမှာ အမြတ်များမယ့် ဇာတ်ကားတွေကိုပဲ ရိုက်ကောင်းရိုက်ခဲ့ပေမယ့် အခုလို အသက်ငါးဆယ်နား နီးလာတော့ box officeနဲ့ တကယ့်အနုပညာက မသက်ဆိုင်ဘူးဆိုတာ နားလည်သဘောပေါက်လာတယ်။
ရုပ်ရှင်သရုပ်ဆောင်တွေမှာ ဝါရင့်မင်းသားကြီး မင်းသမီးကြီးတွေက ရှထင်းဝမ်တို့လို မျက်နှာသစ်လူငယ်လေးတွေထက် ပိုပြီးအောင်မြင်မှုရကြတယ်။အဲ့တာကြောင့် သူက ပြည်တွင်းပရိသတ်ထုကြီးကို လှုပ်ခတ်မှုမရှိဘဲ ပရိသတ်နည်းနည်းပါးပါးက အားပေးတာလောက်ပဲ ခံရမယ်တွေးမိခဲ့တယ်။
အဲ့အတွေးတွေက Cannes ရုပ်ရှင်ပွဲတော်မှာ 'ဝေလငါးရဲ့ တီးတိုးသံ´ က ဝက်ဝက်ကွဲပေါက်သွားပြီး ဝေဖန်ရေးမဂ္ဂဇင်းတွေကပါ အမှတ်ပြည့်နီးပါး ပေးကြကာ ရှထင်းဝမ်လည်း ပွဲဦးထွက်ကားနဲ့တင် ဆုရသွားတဲ့အချိန်မှာပဲ လွင့်ပျယ်သွားတော့တယ်။
နေ့ချင်းညချင်းဆိုသလို ဝေလငါးရဲ့တီးတိုးသံ ရုပ်ရှင်ကားက စာပေအနုပညာလောကမှာ မှတ်ကျောက်တစ်ခုဖြစ်လာတယ်။ဒီကားကို မကြည့်ရသေးရင် အဆင့်မှီတဲ့ ဝေဖန်သူမဟုတ်သေးဘူး။ရှထင်းဝမ်ကို မသိရင် အနုပညာလောကရဲ့တကယ့်ပရိသတ်အစစ်မဟုတ်ဘူးလို့ ပြောကြတဲ့အထိပဲ။
ပြည်တွင်းမှာပါ အဲ့ဒီရုပ်ရှင်ကားရဲ့အောင်မြင်မှုက မကြုံစဖူး လောက်အောင်ပဲ။တကယ့်ပညာရှင်တွေဆီက အသိအမှတ်ပြုခံရတဲ့အပြင် အောင်မြင်မှုကပါ မေ့မရနိုင်အောင်တသသဖြစ်စရာကောင်းနေတယ်။
ဇာတ်ကားရဲ့အခင်းအကျင်းက ပင်လယ်ရေနက်ထဲက လွမ်းဆွေးဖွယ် အိပ်မက်ဆန်ဆန် ပုံပြင်တစ်ပုဒ်ကို ကြည့်နေရသလိုမျိုး ပိတ်ကားပြင်ဘက်က ပရိသတ်တွေကို ခံစားရစေတယ်။ဇာတ်ကား အဆုံးမှာ ဆယ်ကျော်သက်လူငယ်လေး ရှောင်ရှအဖြစ်နဲ့ ရှထင်းဝမ်က သွေးအလိမ်းလိမ်းနဲ့ အဝတ်မဲ့နေပြီးငါးညှီနံ့သင်းတဲ့ ဆိပ်ခံ တံတားရှည်ကြီးပေါ်ကနေ ခုန်ချလိုက်တယ်။
VOUS LISEZ
မကွာရှင်းခင်နဲ့ ကွာရှင်းပြီးတဲ့နောက်(Before and after divorce)MM translation
Roman d'amouroriginal title-离别前后 Author -丧心病狂的瓜皮 Total-42 chapters ဒါလေးက အခုတလော ဖတ်ဖြစ်နေတဲ့ Miss you manhua လေးရဲ့novel ကို ဘာသာပြန်ထားတာပါ..manhuaစောင့်ဖတ်ရင်းလောင်ရမှာပေမယ့် သူများထက်စောစောကြိုလောင်ချင်သူများအတွက်ပါ..အပိုင်းနည်းတယ်ဆိုတော့ အမြန်ဆုံးနည်းနဲ့...
