Chapter Four
စုယန်ကရှပ်အဖြူလေးဝတ်ပြီး လှေကားမှာရပ်နေတယ်။ရှထင်းဝမ်က သူ့ကိုမော့ကြည့်လိုက်တယ်။အဲ့လူက သူနဲ့ငါးနှစ်ကြာအတူအိပ်စက်ဖူးသူဖြစ်တယ်။ဒါပေမယ့် အခုတော့ အရမ်းသူစိမ်းဆန်နေတယ်လို့ ခံစားရတာကြောင့် ဘယ်ကနေစကားစရမှန်း မသိနေဘူး။
“ထိုင်လေ”
စုယန်က ဆင်းလာတဲ့အချိန် ရှထင်းဝမ်ကို မရှောင်ပဲ လူငယ်လေးရဲ့ခါးကို အသာထိန်းပေးလိုက်ပြီး နူးညံ့စွာ ပြောလိုက်တယ်။
“ကိုယ် မစ္စတာရှနဲ့ နှစ်ယောက်တည်း စကားပြောချင်တယ်”
“ဟုတ်ကဲ့”
လူငယ်လေးက စုယန်ကို နူးညံ့သိမ်မွေ့တဲ့ မျက်ဝန်းတစ်စုံနဲ့ကြည့်လိုက်တယ်။ပြီးတော့ နာခံစွာပဲ ခေါင်းညိတ်တယ်။
“ယန်ကော ဒါဆို ကျွန်တော် အပေါ်ထပ်မှာ နင်းနင်းကို အဖော်ပြုဖို့သွားလိုက်ဦးမယ်”
စိတ်ခံစားချက်တွေက ဟန်ဆောင်လို့မရနိုင်ဘူး။ရှထင်းဝမ်က တစ်ချက်ကြည့်လိုက်တာနဲ့ လူငယ်လေးရဲ့ စုယန်အပေါ်ထားတဲ့ လေးစားမြတ်နိုးမှုတွေကို နားလည်လိုက်တယ်။စုယန်ရဲ့ အပြုအမူနဲ့ စကားပြောပုံအရ ဆို စုအိမ်တော်မှာ လူငယ်လေးရဲ့နေရာကို အသိအမှတ်ပြုထားပုံရတယ်။ရှထင်းဝမ်က ရုတ်တရက်လာမိတာ မှားတယ်လို့တောင် ခံစားလိုက်ရတယ်။
လွန်ခဲ့တဲ့တစ်လတုန်းကတော့ သူကအိမ်ရှင်ဖြစ်ခဲ့ပေမယ့် အခုတော့ မဖိတ်ခေါ်ထားတဲ့ ဧည့်သည်ဖြစ်နေတယ်။ဒါက အရမ်းကိုရှက်စရာကောင်းတယ်။စုယန်က သူ့ကိုလက်မလွှတ်နိုင်သေးတာမို့ သူပြန်ကြိုးစားရင်ရမယ်လို့ ထင်ခဲ့မိတယ်။
“ကိစ္စရှိလို့လား”
စုယန်က ရှထင်းဝမ်အတွက် လက်ဖက်ရည်တစ်ခွက် ငှဲ့ပေးလိုက်ပြီး မျက်နှာချင်းဆိုင်မှာ ဝင်ထိုင်တယ်။
သူ့ခန္ဓာကိုယ်က မပြောင်းလဲပဲ ရှထင်းဝမ်ကိုသာမန်ကာလျှံကာကြည့်ပြီး တည်ငြိမ်စွာပဲ စကားစတယ်။နှလုံးသားထဲက ချစ်ခြင်းအရိပ်အယောင်လေး တစ်ခုတောင် ရောစွက်မနေဘူး။
YOU ARE READING
မကွာရှင်းခင်နဲ့ ကွာရှင်းပြီးတဲ့နောက်(Before and after divorce)MM translation
Romanceoriginal title-离别前后 Author -丧心病狂的瓜皮 Total-42 chapters ဒါလေးက အခုတလော ဖတ်ဖြစ်နေတဲ့ Miss you manhua လေးရဲ့novel ကို ဘာသာပြန်ထားတာပါ..manhuaစောင့်ဖတ်ရင်းလောင်ရမှာပေမယ့် သူများထက်စောစောကြိုလောင်ချင်သူများအတွက်ပါ..အပိုင်းနည်းတယ်ဆိုတော့ အမြန်ဆုံးနည်းနဲ့...
