Unicode
သတိုသားနှင့်သတိုးသမီးသစ္စာဆိုလက်စွပ်လဲပြီးသည်နှင့်အခမ်းနားပြီးစီးကြောင်းကြေငြာလေသည်။
မင်္ဂလာပွဲပြီးတာကြောင့်ပြန်တဲ့သူကပြန်ကုန်ကြပေမဲ့ရဲသွေးတစ်ယောက်မပြန်နိုင်သေးပါ။အဘယ်ကြောင့်ဆိုသော်သူချစ်ရတဲ့အမျိုးသမီးလေးကသတိုးသမီးနဲ့တွဲကာဓာတ်ပုံရိုက်နေတယ်လေ။
မင်္ဂလာပွဲတစ်ခုမှာအလှဆုံးကသတိုသမီးတဲ့။ဒါပေမဲ့သူအတွက်တော့မြူဆိုတဲ့မိန်းကလေးကအားလုံးထက်ပိုပြီးလှတယ်လို့သူထင်မိသည်။
"ကိုရဲ ပြီးပြီးပြန်ရအောင် "
ရဲသွေးခေါင်းငြိမ့်ပြကာသူတို့နှစ်ယောက်ကားရပ်ထားတဲ့နေရာဆီထွက်လာခဲ့သည်။
"အ့ "
လျှောက်နေရင်းရုတ်တရက်ခြေထောက်ခေါက်သွားကာလဲကျမလိုဖြစ်သွားတဲ့မြူကိုယ်လုံးလေးကိုရဲသွေးအသာဖမ်းထိန်းလိုက်သည်။
"ရရဲ့လား "
"ဟုတ်ရပါတယ် အ့ "
"ဘာရတာလဲ ကျွန်တော်ကြည့်ပေးမယ် "
ဟုဆိုကာမြူရှေ့ဒူးတစ်ဖက်ထောက်ချလိုက်သည်။
"ယောင်သွားတာပဲ ကားထဲမှာဆေးရှိတယ် မြူကားနားထိလျှောက်နိုင်လား "
"ဟုတ်ကိုရဲ မြူလျှောက်နိုင်ပါတယ် "
"လာကျွန်တော်ထိန်းပေးမယ် "
ရဲသွေး မြူခန္ဓာကိုယ်ကိုထိန်းကာကားဆီသို့ခေါ်လာခဲ့သည်။
ကားပေါ်တွင်
"မြူခြေထောက် ခုံပေါ်တင်လိုက်နော် ကျွန်တော်ဆေးလိမ်းပေးမယ် "
"အို မဟုတ်တာ မြူငရဲကြီးနေပါ့မယ် မြူဘာသာလိမ်းပါ့မယ် "
"ကျွန်တော်ခွင့်လွှတ်ရင် မြူငရဲမကြီးပါဘူး ကဲပါခြေထောက်တင်လိုက် "
မြူလဲဆက်မပြောတော့ပဲသူမခြေထောက်ကိုခုံပေါ်အသာတင်လိုက်သည်။
မြူ သူခြေထောက်ကိုတစ်ယုတစ်ယဆေးလိမ်းပေးနေတဲ့ကိုရဲကိုကြည့်ပြီးသူမပြုံးနေမိသည်။
"ရပြီ အိမ်ရောက်ရင်ပတ်တီးစည်းလိုက်နော် "
"ကျေးဇူး ကိုရဲ "
သူမပြောတာတောင်ပြန်မဖြေပဲအချိန်အတော်ကြာသူမကိုစိုက်ကြည့်နေတဲ့ကိုရဲကြောင့်သူမရှက်လာမိသည်။
YOU ARE READING
ကျွန်တော်ယောက်ကျားအမျိုးကောင်းသား(Complete)
Romanceမတူညီတဲ့နေရာနှစ်ခုကကောင်လေးနှစ်ယောက်၏တွေဆုံမူကနေအချစ်တွေဘယ်လိုဖြစ်ပေါ်လာမလဲ။ ဖြစ်ပေါ်လာတဲ့အချစ်ကရောသာယာဖြောင့်ဖြူးနိုင်ပါ့မလားဆိုတာ Start Date: 3.9.2021 End Date : 23.3.2022
