Unicode
ဟိန်းနဲ့သစ်ထူးရေမိုးချိုးပြင်ဆင်ပြီး အောက်ထပ်ကိုဆင်းလာခဲ့သည်။
ဧည့်ခန်းထဲရောက်တော့မြင်လိုက်ရတဲ့မြင်ကွင်းကြောင့်သွေးအတောင့်လိုက်တတ်ချင်သွားသည်။
အကြောင်းကား ရဲသွေးနဲ့ဇော်မျိုးတို့ပိုးလို့ပက်လက်အိပ်နေခြင်းကြောင့်ဖြစ်သည်။
သစ်ထူး အိပ်နေတဲ့နှစ်ယောက်ကိုကြည့်ပြီးခေါင်းခါမိသည်။သူ့ဘေးမှာရပ်နေတဲ့ဟိန်းကိုအားနာသလိုကြည့်ကာ
"ငါ့သူငယ်ချင်းတွေအစား ငါကပဲတောင်းပန်ပါတယ်နော် "
"တောင်းပန်စရာမလိုပါဘူး သည်းငယ်ရဲ့ "
"ဟော့ သစ်ထူးတို့နိုးနေကြပြီလား "
နောက်ကမမမြူအသံကြောင့် သူတို့နှစ်ယောက်လုံးမမမြူကိုလှည့်ကြည့်လိုက်ကြသည်။
မမမြူကသူတို့အနားကိုလျှောက်လာပြီး ဧည့်ခန်းထဲမှာအိပ်နေတဲ့နှစ်ယောက်ကိုကြည့်ပြီးပြုံးကာ
"ညကနှစ်ယောက်လုံးမူးပြီးမှောက်သွားတာလေ ဟိန်းတို့ရုံးသွားရင်သွားလိုက်ကြလေ မမသူတို့ကိုနှိုးပြီးလွှတ်လိုက်မယ် "
"အဲ့ဒါဆို ဒီနှစ်ယောက်ကိုမမဆီအပ်ထားခဲ့မယ်နော် "
"ကောင်းပါပြီရှင့် "
သစ်ထူးနဲ့ဟိန်း မြူကိုနှုတ်ဆက်ပြီး ဟိန်းကိုယ်တိုင်ကားမောင်းကာ ကုမ္ပဏီကိုထွက်လာခဲ့ကြသည်။
ကားပေါ်တွင်
သစ်ထူးတစ်ယောက် ကားမှန်ကတစ်ဆင့်အပြင်ဘက်ကလှုပ်ရှားသွားလာမူများကိုလိုက်ကြည့်နေမိသည်။
"သည်းငယ် သည်းငယ် "
ဟိန်း သူခေါ်နေတာကိုမကြားတဲ့သည်းငယ်ကြောင့် သည်းငယ်ရဲ့လက်မောင်းကိုလှုပ်ကာ
"သည်းငယ်!! "
"ဟင် သစ်ခေါ်လိုက်တာလား "
"ဘာတွေအဲ့လောက်တောင်တွေးနေလို့ မောင်ခေါ်တာကိုမကြားရတာလဲ မှန်မှန်ပြောနော်ဘယ်သူ့အကြောင်းတွေးနေတာလဲ "
"ဘယ်သူ့အကြောင်းမှမတွေးပါဘူး ငါမှာတွေးစရာလူဆိုလို့သစ်ပဲရှိတာလေ "
YOU ARE READING
ကျွန်တော်ယောက်ကျားအမျိုးကောင်းသား(Complete)
Romanceမတူညီတဲ့နေရာနှစ်ခုကကောင်လေးနှစ်ယောက်၏တွေဆုံမူကနေအချစ်တွေဘယ်လိုဖြစ်ပေါ်လာမလဲ။ ဖြစ်ပေါ်လာတဲ့အချစ်ကရောသာယာဖြောင့်ဖြူးနိုင်ပါ့မလားဆိုတာ Start Date: 3.9.2021 End Date : 23.3.2022
