Spectrum

22

For Unicode

ပျော်စရာကောင်းတယ်...
သိပ်ကို ပျော်စရာကောင်းတယ်။

ကျောင်းသူကျောင်းသာ‌းတွေ စည်ကားသိုက်၀န်းနေတဲ့ နေရာမှာ လူတစ်ယောက် က ပန်းစည်းအကြီးကြီးနဲ့ ခပ်ကြော့ကြော့ရပ်နေသည်။

စာမေးပွဲခန်းထဲကနေ ထွက်လာတဲ့ FAတွေ အမောဆို့သေအောင်များ တမင်လာလုပ်ကြံနေသလားထင်ရအောင် ပန်းနုရောင်ပတ်၀န်းကျင်က ခမ်းခမ်းနားနား...

" ကလေးလေး
ကိုယ်ဒီနှစ်ကျောင်းပြီးရင် ကျန်နေခဲ့မဲ့ မင်းကို စိတ်မချဘူး။
ဒီတော့ အချိန်ဆွဲမနေပဲ မင်းက ကိုယ့်အပိုင်ဖြစ်ကြောင်း စိတ်ချရအောင် လုပ်ပေးပါလား "

နှင်းဆီဖြူတွေရဲ့ ပွင့်ဖက်တွေက ကိုင်ဆောင်ထားသူ၏လှုပ်ရှားမှုအတိုင်း ခပ်လွင့်လွင့်....

" အင်း ကျေကျေနပ်နပ်လက်ခံတာပေါ့ "

လက်ခုပ်သံတွေက တဖြောင်းဖြောင်း
မခံစားနိုင်လို့ ထွက်သွားတဲ့လူတွေ ဒုနဲ့ဒေးရှိသလို ၊ မေးခွန်းစာရွက်နဲ့ မျက်ရည်သုတ်တဲ့သူကသုတ်နေသည်။

" ကြည့်လို့၀ပြီလား ဂျီမင်။
ပြန်ကြစို့ "

ဆိုင်ကယ်ပေါ် မှာ ခြေတွဲလောင်းချကာ ထိုင်နေတဲ့ အစ်ကိုယွန်းဂီက ဘေးနားမှာ ဆိုင်ကယ်ဦးထုပ်ပိုက်ကာ ရပ်နေတဲ့ ဂျီမင်ကို လှမ်းပြောတာဖြစ်သည်။

" နေပါအုံး...မိုက်လိုက်တာ
ဒီလိုမြင်ကွင်းမျိုး Facebookပေါ်မှာပဲ မြင်ဖူးခဲ့တာ "

" မင်းပြောတော့ နောက်ဘာသာခက်တယ်ဆို! လာတတ်တော့ကွာ
ငါစိတ်ဆိုးတော့မှာနော် မပြောမရှိနဲ့ "

" လာပြီ လာပြီ
ဖြေလာတာကျွန်တော်ပါ မင် ပဲ ဒေါသလှိမ့်ထွက်နေတယ် "

ဆိုင်ကယ်လေးညင်သာစွာ ထွက်သည်နှင့် သူ့လက်တွေက အလိုအလျောက် မင် ရဲ့ ခါးပေါ်နေသားတကျ....

မင် က အေးစက်ပြီးအနေတည်တဲ့ပုံနဲ့ နာမည်ကြီးသူမို့ သူတို့နှစ်‌ယောက်ကို သင်္ကာမကင်းတဲ့ မျက်လုံးတွေနဲ့ ကြည့်တာတွေလည်းရှိသည်။

ဒါတွေကို သူကမဖြေရှင်းသလို မင် က ဂရုမစိုက်....

ဆိုတော့ အေးအေးချမ်းချမ်းပါပဲ။