seok jin သူ့ကို သိသိသာသာ ရှောင်နေခဲ့တာ ရက်အတော်ကြာနေခဲ့ပြီ ။
ကျောင်းသွားချိန်ဆိုလည်း အလုပ်သွားတဲ့
အန်တီလေးကားနဲ့ပဲ လိုက်သွားလေ့ရှိသည် ။
ကျောင်းမှာဆိုလည်း သူနဲ့ထိုင်နေကျ နေရာမှာ
မထိုင်တော့ ။ သူနဲ့ ဝေးတဲ့ နေရာတစ်ခုခုမှာ
တစ်ယောက်ထဲ သွားထိုင်တတ်သည် ။
အဆိုးဆုံးက အတန်းပျက်ချိန် များလာခြင်း ။
နောက်ဆုံးနှစ်ရောက်ပြီမို့ စာတွေက အရေးကြီးသည်လေ ။
စာလုပ်ဖို့ အတန်းတက်ဖို့ ပြောချင်ပေမဲ့
လူကို မြင်တိုင်း မသိခဲ့ဖူးသလို အချိုးတွေနဲ့
seok jin ကြောင့် သူ့ဘက်ကလည်း
မသိသလိုပဲ နေလိုက်သည် ။
seok jin နဲ့ ဝေးကွာသွား၍ ဟာတာတာဖြစ်တိုင်း
BC major ကိုပဲ သွားကာ စိတ်ဖြေဖျောက်ရသည် ။
seok jin ကသာ အခုထိ တစ်ယောက်ထဲပေမဲ့
သူက ကျောင်းမှာလည်း jo jo ရှိကာ ၊
အိမ်မှာလည်း jo jo ရှိသည်မို့ အထီးကျန်
မနေခဲ့ ။
jo jo နဲ့ တွဲနေပြီဖြစ်ကြောင်းကိုလည်း ဒယ်ဒီနဲ့
မာမီလေးတို့ကို ဖွင့်ပြောထားပြီးပြီ ။
ဒယ်ဒီကတော့ သိပ်ပြီး မျက်နှာမကောင်းပေမဲ့
သူ့ဘက်က တကယ် ချစ်မှန်းသိနေတော့
ကောင်းသည် ၊ ဆိုးသည် ဘာတစ်ခုမှ မပြော ။
မာမီလေးကတော့ အတိုင်းထပ်လွန်စွာ ပျော်ရွှင်နေခဲ့တော့သည် ။
သူ့ဘ၀သည် seok jin မရှိတော့တာကလွဲရင်
အရာအားလုံး အဆင်ပြေနေခဲ့သည် ။
▪️▪️▪️▪️▪️
" jinnie .. နင်နဲ့လည်း ငါစိတ်ညစ်ပါတယ် "
စာမေးပွဲအတွက် စာကျက်ဝိုင်းတက်နေသည့်
သူဟာ ည8နာရီတွင် အိမ်ပြန်ခဲ့သည် ။
အိမ်ထဲသို့ မ၀င်ခင် ကြားလိုက်ရသည်က
seok jin တို့ အိမ်ဆီမှ အန်တီလေးရဲ့
စကားသံတွေ ။ တစ်ဆက်ထဲ seok jin ကို ရိုက်ပုတ်နေတဲ့အသံတွေ ။
ဘာတွေများ ဖြစ်နေကြတာလဲ ။ ဆက်ပြီး
နားထောင်နေမိတော့ မကြားရတာကြာပြီ
ဖြစ်တဲ့ seok jin အသံလေးကိုပါ ကြားလိုက်
ရသည် ။
