jung kook ထွက်သွားခဲ့ပြီဆိုပေမဲ့ သူ့မှာ ရင်တုန်တာက အခုထိ မပျောက်သေး ။
ချစ်ခဲ့လားဆိုတဲ့ jung kook ရဲ့မေးခွန်းမှာ
သူ , အများကြီး shock ရသွားပြီး ၊ မွန်းကြပ်
သွားခဲ့သည် ။
တစ်ဖက်သတ် ဖြစ်ခဲ့ရတဲ့ သူ့အဖြစ်ကိုလည်း
သိမ်ငယ်မိပြန်သည် ။
ဒီနေရာက ပြန်ရမယ်ဆိုတဲ့ အတွေးမရှိသေးဘဲ
သူ့ခံစားချက်ကို jung kook အတိအကျ
သိသွားတာလားဆိုတဲ့ အတွေးနဲ့တင် လူက
ချာလည် ရိုက်နေတော့သည် ။
" seok jin ရေ "
အဲ့ဒီ့အချိန်မှာပဲ သူ့ဘေးနားသို့ nam joon ရဲ့
ကားက ထိုးရပ်လာပါသည် ။
" seok jin "
သူ့ဆီသို့ ခပ်သွက်သွက်လှမ်းလာတဲ့ nam joonဟာ
သူ့နာမည်ကိုလည်း အကြိမ်ကြိမ် ခေါ်နေခဲ့သည် ။
" jeon jung kook မို့လား .. မင်းကို
မ , သွားတဲ့ကောင်က "
အနားကို ရောက်တာနဲ့ သူ့ကို ကြည့်ရင်း
မေးလာပုံကြောင့် ဆိုင်က ဝန်ထမ်းတွေဆီမှ
ပြောစကားကို ကြားခဲ့ပြီးဟန် တူသည် ။
" အေး "
" သိနေတယ် .. ဒါကြောင့် အပြေးလိုက်လာခဲ့တာ ..
phone ကလည်း ဆိုင်မှာ ကျန်ခဲ့တော့ မင်းကို
အနိုင်ကျင့်နေမှာကို စိုးရိမ်လို့ "
" ဘာမှမလုပ်ပါဘူး "
" ဘာမှမလုပ်ပဲ ဘာလို့ မ, သွားတာလဲ "
" ငါ့ကို မေးနေတာ .. သူ့ကို ချစ်ခဲ့လားတဲ့ "
" ဟေ ! .. သိသွားတာလား "
" ထင်တာပဲ "
" ဘယ်လို ဖြေလိုက်လဲ "
" ချစ်ခဲ့စရာလားလို့ "
" ယုံသွားလား "
" မသိဘူး .. ငါ့ကို ထားပြီး ထွက်သွားတော့တာပဲ "
" ဘယ်လိုကောင်လဲ .. မ , တုန်းက မ,ပြီး
နေရာတကျ ပြန်မထားချင်တာက .. ငါသာ လာမခေါ်ရင် မင်းဘယ်လို ပြန်လာမလဲ ..
ဒီမြို့ပတ်လမ်းမှာ အရှားပါးဆုံးက Taxi ဆိုတာ အဲ့ဒီ့ကောင် မသိဘူးလား "
ပွစိ ပွစိ nam joon အပြောကြောင့် သူ ,
ခပ်ယဲ့ယဲ့ ပြုံးလိုက်သည် ။ jung kook က
သူနဲ့ ပတ်သက်ရင် ဘာမှမသိခဲ့တာ အခုမှ
မဟုတ်ခဲ့တာဘဲ ။
