Media: Mother, how are you today?
Mother, how are you today?
Here is a note from your daughter (son).
With me everything is OK.
Mother, how are you today?
Mother, don't worry, I'm fine.
Promise to see you this summer.
This time there will be no delay.
Mother, how are you today?
I found the man of my dreams
Next time you will get to know him
Many things happened while I was away
Mother, how are you today?
.
.
.
<Unicode>
မွေးဖွားပြီးလို့ မသေဆုံးခင်ကြားမှာ
ရှင်သန်ခြင်းဆိုတာ ရှိတယ်။
လူ့ဘဝမှာနေပျော်ဖို့ဆိုရင်
ဉာဏ်ရှိရှိနဲ့ ပြဿနာအကင်းဆုံး
ရှင်သန်တတ်ဖို့အရေးကြီးတယ်။
Anhedonia
ကြေကွဲစရာညရဲ့ကောင်းကင်တွင် ပြည့်ပြည့်ဝဝသာနေသော လမင်း၏အလင်းရောင်က ယှက်ဖြာလွှမ်းနေသည်။ ဟိုတစ်စ၊ သည်တစ်စ ကျဲပြန့်နေသော ကြယ်ရောင်တို့မှာလည်း ပြိုးပြိုးပျက်ပျက်ကလေးရယ်နှင့်။ ညဘက်မှထွက်တတ်သော ငှက်တစ်ချို့ကလည်း ရံဖန်ရံခါ ပျံသန်းသွားလာတတ်သေးသည်။
ထိုအခြင်းအရာတွေအားလုံးနှင့်အတူ ရင်နင့်စရာ တယောသံကလေး ပျံ့လွင့်နေတာကလည်း အေးအေးနဲ့ငြိမ့်ငြိမ့်။ မြူနှင်းတွေဆိုင်းနေသည့် အချိန်ဖြစ်တာတောင် ကောင်လေးတစ်ယောက်မှာ လေသာဆောင်ထွက်ပြီး ညစဉ်တယောထိုးနေဆဲ။
ညစဉ် ... အင်း တစ်ပတ်၊ ဆယ်ရက်မကတော့ ရှိပြီပင်။ လူခြေတိတ်ချိန်ဆို တယောထိုးနေတတ်တာမို့ ကောင်လေးမှာ ဘေးပတ်ဝန်းကျင်တိုက်တွေဆီက ပရိတ်သတ်တချို့ပင် ရနေလေပြီ။ တချို့က ထင်ထင်ပေါ်ပေါ် ထွက်ကြည့်တတ်သလို၊ တချို့မှာလည်း အိပ်ရာပေါ်တွင် စောင်နဲ့ကွေးရင်းသာ နားဆင်ကြလိမ့်မည်ထင်။
ဟန်သာကတော့ အမြဲလိုလို တံခါးဘောင်လေးမှာ မှီရပ်ရင်း စောင့်ကြည့်ပေးနေရသူဖြစ်၏။ သူ အိမ်ပြန်မအိပ်တာ ထိုနေ့ကတည်းကပင်။ ထိုနေ့ ... Ice အတွက် မြင့်မိုရ်တောင်ကြီးလဲပြိုသွားခဲ့တဲ့နေ့ပေါ့။
တယောအိုးပေါ်မေးတင်ရင်း မျက်လုံးတွေကို ဖွဖွမှိတ်ထားသည့် သူ့ကောင်လေး Ice ။ ညာဘက်လက်တွင် ကိုင်ဆောင်ထားသော ဘိုးတံကို လေးချောင်းသောတယောကြိုးတွေပေါ်တွင် အနေအထားအမျိုးမျိုးနှင့်ထိခတ်ကာ သံစဉ်တွေကိုဖြစ်ပေါ်နေစေသည်။ ဘယ်ဘက်လက်ချောင်းတွေကလည်း ကြိုးတွေပေါ်အပြေးအလွှား ထိန်းညှိနေဆဲ။
