*💕*آنفآسي*💕*

مفترق طريق ⚘

  
                            ⚘💐⚘
                            
حياتي بدأت وكانت ومازالت عباره عن مفترق طريق

                            ⚘💐⚘

الاقتباس 1💃💃💃

سقط ذلك الشاب أو عفوا ذلك العجوز الذي من يراه يقول انه بالخمسون من عمره ولكن هو بالحقيقة لم يتجوز بعد الثلاثون  .

سقط بإنهاك على إحدى الأرائك وهو يلهث بشدة من فرط ركضه خلف ابنه  ؛ ذلك النسخة المصغرة من حبيبته .

ومن الاتجاه المقابل له  ، يسمع هتاف ذلك الشاب وهو يلعب بحاجبيه قاصدا استفزاز الآخر  : كبرت ولاااا إيه ياريونه !؟؟

صرخ ريان بغضب  : أوسسسس تعال هنا أقف قدامي بسرعة.

صوت قهقهات عالية ملأت أرجاء المكان صادرة من  ذلك الشاب الجميل  فهو ورث كل ملامح والده ووالدته معا.

ريان : بتضحك على إيه !!! انت عاوز تجيب أجلي ياابن الكلب .

هتف أوس بحزن مصطنع : ليه بس يا أبو الرواين بتشتم نفسك ليه وعلى فكرة كدا عيب وغلط وانت الكبير والمفروض اتعلم منك حاجة حلوة مش كلام أعوذ بالله ...

هتف ريان  وهو يكاد يجن منه : ولاااا كم مرة قلت بلاش الزفت الدلع دا ....هو انت عاوز تموتني بدري ليه . وبالمرة تعال تعال  علمني  الأدب ماهو مش فاضل غير اتعلم منك انت ياللي لسه مقفستش من بيضة ، بقى انا يالاااا اقول كلام أعوذ بالله  !!!! وديني هربيك من جديد  بس اصبر عليا  شويه ياابن الكلب بس اوصلك لعلقك بيدي .

هتف أوس بحدة وهو يضع يديه على خصره متمايلا  بجسده بخفة  : مقولنا متشتمش نفسك الله. هو كله شتيمة شتيمة مفيش كلمة حنينة كدا.

ثم أكمل كلامه وهو يغمز بطرف عينه متكلما بوقاحة واسلوب ليس له صلة بعمره مطلقا : انا مستغرب ليه منك !!!ماهو أكيد سايب الكلام الحلو للمزز اللي بتشتغل  معاك مش كدا ياشقي .

استقام ريان بغضب صارخا به وهو يحاول الوصول لذلك الذي بالتأكيد ستكون نهايته على يده  : وديني  هربيك يامعفن ياابن الكلب  .

ركض أوس بكل قوته إلى أن وصل إلى تلك الطاولة التي صعد عليه بسرعة البرق ومنها قفز بجسده متعلقا بإحدى تلك التحف المعلقة بالجدار .

اندهش ريان  بشدة من مايشاهد أمامه الآن ، ومن طريقة تسلقه المتهور تلك ، هاتفا بتعجب وصدمة : قرد وديني أنا مخلف قرد تعالوا يابشر شوف القرد اللي متعلق هنا .

هتف أوس بسخرية ليزيد من استفزازه وهو يتأرجح غير مدركا أنه لو سقط أرضا حتما سيتأذى : طبعا غيران عشان تقول كدا بقى دا شكل قرد ! دي قدرات ياباشا انت مع الأسف مش هتقدر تعمل زيي ،  معلش معلش السن كمان ليه حكم عليك .