အန်တီ [ Complete ]

part (19)

"ကျီ...."ဆူး တစ်ယောက် အန်တီ့အတွက်လိုအပ်တဲ့ ဆေးတွေဝယ်ပြီး အခန်းထဲသို့ပြန်ဝင်လာခဲ့သည်။

"အန်တီ ဖုန်းကြည့်နေပြန်ပြီလား..." ဆူး အခန်းထဲဝင်လာမှ မြူ ဖုန်းကိုပိတ်လိုက်သည်ကိုမြင်၍ မေးလိုက်ခြင်းဖြစ်လေသည်။

"ပျင်းတာနဲ့ကွယ် ခဏလောက်သုံးမိတာပါ..."မြူကကုတင်ဘောင်လေးကိုမှီရင်း ခပ်နွဲ့နွဲ့လေးဆိုလာသည်။

"မသုံးပါနဲ့အုံးအန်တီရယ် နေကသိပ်ကောင်းတာလည်းမဟုတ်ပဲနဲ့နော်..." ဆူး မြူ့ လက်ထဲက ဖုန်းကိုလှမ်းယူဖို့လက်ကမ်းလိုက်လေသည်။

"ခဏပါပဲကွယ်နော်..."

"ဟာ မရဘူး ပေး ဆူး ကို.. " မြူ က ဖုန်းကို ‌ဖွက်လေဆူးက အတင်းလိုက်လုလေဖြင့်ရုန်းရင်းဆန်ခတ်ဖြစ်ရင်း မြူ့ အပေါ် ဆူး မှောက်ကာလဲကျသွားလေသည်။

ခဏတာမျှကြာမြင့်သောထိုအချိန်ခဏလေး၌ မျက်လုံးချင်းဆုံမိသောအကြည့်တို့သည် ရင်ဘတ်တစ်ခုလုံးပေါက်ထွက်လုမတက်ခံစားရလေသည်။

"ဒေါက် ဒေါက်..."တံခါးခေါက်သံနှင့်အတူ အခန်းထဲသို့ဝင်လာသော မမော်တစ်ယောက် ဆူး တို့ဖြစ်နေပုံကိုကြည့်ကာ အံ့ဩသွားရသည်။"အဟမ်း..."

မမော် ချောင်းဟန်သံကြောင့် ဆူး တစ်ယောက် မြူ့ ခန္တာကိုယ်လေးပေါ်မှ အပြေးအလွှားထရင်း ဆံပင်တို့ကိုသတ်ကာ ဘေးနား၌ရှက်ရှက်ဖြင့်မတ်တပ်ရပ်နေလိုက်သည်။

မမော်နောက်မှ ရှေ့ဆင့်နောက်ဆင့်ဝင်လာသော လူနှစ်ယောက်ကြောင့် ဆူး ၏ ရှက်ပြုံးလေးပင်ခဏချင်းပျောက်ကွယ်ရလေသည်။ဝင်လာသောထိုလူနှစ်ယောက်မှာ ဒေါ်ဒေါ်ဝင်းနှင့်ကောင်မလေးတစ်ယောက်သာဖြစ်သည်။ ဆူး အကြည့်တို့သည်ထိုကောင်မလေး၌ ရပ်တန့်သွားလေသည်။ "ဟုတ်တယ် အဲ့ကောင်မလေး အန်တီ့နားကိုကပ်နေတဲ့ကောင်မလေး..."ဆူး အပြုံးတွေခဏချင်းပျောက်ကွယ်သွားရခြင်းမှာ ထိုကောင်မလေးကြောင့်သာဖြစ်လေသည်။

"ဒေါ်ဝင်း..."မြူ တစ်ယောက် တောက်ပဝင်းလက်သော မျက်ဝန်းတို့ဖြင့် ဒေါ်ဝင်းအားအားတက်သရောခေါ်လိုက်လေသည်။

"သမီးလေးမြူ..." ဒေါ်ဝင်းသည်ပင်ဟန်မဆောင်နိုင်ပဲ ပါလာသောအထုတ်လေးတို့ကိုပင် အနားရှိခုံလေး၌ချကာ မြူ့ အား ဖက်တွယ်ထားလေတော့သည်။