زينه الفهد

الحلـقـه الثلاثـون ( ج2 )

الحـلـقـه الثلاثـون من عندما تعشق الجبابره _ زينه الفهد الجزء الثاني

بـسـم الـلـه الـرحـمـن الـراحـيـم
________________________________________

#زينـه الفهد 2
#الحلقـه الثلاثـون (ج2)
#بقلمـي فاطمـه ابـراهيـم ﴿ اللؤلؤه ﴾ ________________________________________

انتفض قاسم بغضب وهو يرمق ساره بكره وغل واضح ولم يستيطع السيطره علي نفسه بالمره ، ولم يكن احد علي درايه لما يفعل ذلك غير رعـد واحمـد فقـط .. .

نظـر فهد لإبنه بتحذير ورمق ساره وعمرو بهدوء قائلاً : اتفضـل يا عمرو انت والمدام علي الصالون معايا
قاطعه قاسم قائلاً بحده ورفض قاطع ولاول مرهيرفض امر لوالده امام الجميع هكذا : محدش متحرك في مكان قبل ما اعرف انتي جايه هنا تعملي اي وعايزه اي ، لتكون دي خطه جديده
ساره بتوتر واحراج وهي تمسك بيد عمرو : انا عملت اي انا معرفكش حتي ؟
اخرج صوتاً ساخراً من حنجرته : هه والله ، بس انا بقي عارفك يا مدام روبيرتو مش انتي مراته بردو ولا انا بشبـه ، قال الاخيره بسخريه لاذعـه
صدمه حلت علي ساره وذكرياتها المريره تتجسد امامها مجدداً وهبطت دموعها وهي تنفي برأسها صائحه : طليقته مش مراتـه متقولش مراته انت فاهم ؟
تمتم بغضب وكره وهو يتحكم بنفسه بصعوبه الا يخنقها بين يديه الان : لا مش فاهم ، وبعدين اي دا لابسه حجاب كمان اي اسلمتـي ولا دي خطه جديده ..
فهـد بغضب ونبره قاطعه وهو يرمق ابنـه بنظرات فهمها الاخر : انا عايز افهم حالاً اي اللي بيحصل هنا
ليث بهدوء : كلنا عايزين نعرف اي اللي بيحصل يا فهد واول حاجه انت تعرفهم منين ، لا دا واضح انك تكانت وابنك علي معرفه بيهم
فهد ببرود : انا معرفش غير عمرو بس لانه كان دكتور نازلي اخت جدك الله يرحمه ويرحمها
زينـة بصدمه كحال الجميع : طنط نازلي دكتورها ازاي انا مش فاهمه حاجه

بعد قليل جلس الجميع معاً مره اخري بإختلاف الجو الذي اصبح مشحون مشتعل مع وجود ضيفين جديدين

تحدث فهد اولاً قائلاً بهدوء : نازلي بعد موت بنتها اتجننت ودخلت مستشفي للامراض العقليه ، وعمرو بصفته دكتور نفسي هو اللي كان متابع حالتها وكان بيطمني عنها من فتره للتانيه ودا كان علشان خاطر جدي وبس ودي صله التعارف اللي بيني بينـه احد ما توفت ووقتها مقابلتهوش ولا كلمته نهائي ودا من زمان اووي لانها مستحملتش سنتين بعد موت بنتها .. الوقتي بقا انا محتاج افهم اي اللي بيحصل بالضبط واي علاقه روبيرتو ريتشي بالموضوع
تنهـد عمرو بتعب وضيق شديد وهو يمسك بكف ساره بقوه قائلاً : من زمان من حوالي 24 سنـه استلمت حاله جديده في المستشفي وغريبـه لاني معظم تعملاتي مع مضطربين نفسياً والاغلب عقلياً وزي ما بتقولوا عليهم مجانين ، بس الحاله دي كانت غريبه لان تصرفاتها مبتدلش غلي انها مجنونه ابداً دي تصرفات حد عاقل وفي نفس الوقت مهزوم نفسياً بس مش مجنون مريض نفسي عادي ، والحاله دي كانت ساره ، اللي دخلت المستشفي في ظروف غامضه بالنسبه ليا واللي مقدرتش اعرف عنها معلومات ممكن استفاد منها ودا عمره ما حصل بس كان مطلوب مني اعالجها وبس ، بس بإستخدام طرق تانيه مش اني اسمعها واعرف مشكلتها واحلها لاء كان لازم اعالجعا بجلسات كهرباء وادويه بتؤدي اللي جنون مش بتعالج ، بس انا موافقتش اعمل كده لاني دكتور وعارف انها مش مجنونه وكان لازم اعرف سبب وجودها وهي دايماً كانت ساكته واغلق الاوقات بتعيط وبس ، كانت بتجذبني ليها بشكل مش طبيعي ، ودا عمره مخلصي قبل كده تجاه اي حد بعد مراتي اللي ماتت قبلها بسنتين من معرفتي بساره ، ووقتها كنت وعدت نفسي اني مش هفتح قلبي لحد بعدها ، بس غصب عني كنت بتجذب لساره ، واجهت مشاكل كتير جداً بسبب رفضي لعلاجها زي ما امروني واضطريت امثل اني موافق علشان الحاله مش تتاخد مني ونجحت في دا ، حاولت اتقرب منها. اخليها تتكلم وتفتحلي قلبها وتعرفني هي بتعمل اي هنا كتير جداً وهي دايما ساكته ومبتتكلمش ، ومع الوقت قدرت اخليها تتكلم واحده واحدة ، بس للاسف الحقيقه اللي عرفتها قتلتني لاني حبيتها بجد ، اكتشفت وقتها انها حامل مكنتش قادر اصدق او استحمل فكره ان الوحيده اللي حبيتها من قلبي بجـد كانت متجوزه ، واللي صدمني اكتر لما عرفت هي كانت مرات مين ..
فهـد بهدوء : روبيرتو ريتشي ؟
اومئ بهدوء واشار لساره بعينيه يحسها لن تكمل وهو يضغط علي كفها برفق