ဂျီဆူးတစ်ယောက် စိတ်အလှုပ်ရှားကြီး လှုပ်ရှားနေတာကြောင့် အသက်ရှူသံများမှာလည်း ခပ်ပြင်းပြင်း။ ထိုင်ခုံ တစ်ခုပေါ် ငုတ်တုတ် ထိုင်နေမိသည်မှာ တစ်နာရီကျော်မျှရှိပြီ။ အနောက်ကနေ ပုခုံးလာပုတ်ခံရတော့မှပဲ အသိဝင်လာရသည်။
"ငါ့, ကောင်ကလည်း အရမ်းတွေ စိတ်လှုပ်ရှားမနေပါနဲ့....ဂျန်းနီ လည်း ဘယ်မှ ထွက်ပြေးသွားမှာလည်း မဟုတ်ဘူး စိုးရိမ်မနေနဲ့။"
ဂျီဆူး ရဲ့အချစ်ဆုံးသူငယ်ချင်း ဆူးလ်ဂီ က ခွန်အားပေးလာတယ်။ လက်ထဲမှာလည်း သူ့သမီးလေးကို ပွေ့ချီထားရတယ်။ သူ့အမျိုးသမီးက အလုပ်များနေတယ်နေမှာ။
ဒီနေ့က ဂျီဆူးတို့ရဲ့ အထူးနေ့ကြီး၊ နေ့မြတ် ဖြစ်တယ်။ သားတွေရဲ့ မွေးနေ့ပွဲပြီးကတည်း ဒီနေ့မြန်မြန်ရောက်ဖို့ အကြာကြီးစောင့်ဆိုင်းနေခဲ့ကြတာ။ သူတို့ရဲ့ အရေးကြီးပုဂ္ဂိုလ်တွေဖြစ်တဲ့ သူတို့မိသားစုတွေ၊ သူငယ်ချင်းမိတ်ဆွေတွေ၊ လုပ်ဖော်ကိုင်ဖက်တွေလည်း စုဝေးရောက်ရှိနေကြသည်။
"Wooh!...ဘယ်လိုလုပ်ရမလဲ မသိဘူး...အရမ်းစိတ်လှုပ်ရှားနေတယ်..."
သက်ပြင်းတစ်ချက်နှင့်အတူ လက်တွေကို ခါကာ စိတ်လှုပ်ရှားမှု ပြေလျော့စေရန် ပြုမူလိုက်သည်။
ဧည့်သည်တော်များဟာ မင်္ဂလာပွဲကျင်းပမည့် ဥယျာဉ်ထဲတွင် ရောက်ရှိနေကြပြီ။ နှစ်ထပ်တိုက်မှ ဝရံတာနှင့် ပွဲကျင်းပရာ ဥယျာဉ် ကို လှေခါးရှည် တစ်ခုဖြင့် ဆက်သွယ်ထားသည်။ ဂျီဆူး မှာ ထိုလှေခါးရှိရာဖက်ကို သာ စူးစိုက်ကြည့်နေသည်။ ဂျန်းနီ က အခန်းထဲက ထွက်လာပြီး ထိုလှေခါးပေါ်မှ ဆင်းသက်လာမည် ဖြစ်သောကြောင့် ဖြစ်သည်။
သူတို့တွေ ပွဲအတွက် ဟိုတစ်ခုလုံးကို အပြတ်ငှားထားတာဖြစ်တယ်။ မိသားစုဝင်တွေနဲ့ သူငယ်ချင်းတွေ နဲ့အတူ အစမ်းလေ့ကျင့်ရင်း၊ ပြင်ဆင်ရင်း ဒီဟိုတယ်မှာ နေနေတာ တစ်ပတ်လောက်တောင်ရှိနေပြီ။
ကလေးတွေနဲ့ အတူ တစ်ချို့လူတွေလဲ အဆင်သင့် ရှိနေပြီ။ ကလေးတွေ က မီးခိုးရောင် ဝတ်စုံနဲ့ ပန်းဖြင့်ပြုလုပ်ထားသော ခေါင်းစည်းတပ်ထားကြသည်။ Luna, Arin, Autumn တို့က ပန်းကြဲတွေ။ အယ်လာ က သူ့မီးခိုးရောင် ဝတ်စုံလေး ဝတ်ထားပြီး မီးခိုးရောင် suit ဝတ်ထားတဲ့ ဒယ်နီယယ်နဲ့အတူ ဟိုဟိုဒီဒီ လျှောက်ပြေးနေသည်။ အယ်လာ က သူ့အမတွေလို သတို့သမီးအရံ လုပ်ချင်တယ်ဆိုပြီး ပူဆာတာကြောင့် ဒယ်နီယယ် က အော်တိုမက်တစ် သူ့သတို့သားအရံဖြစ်သွားကာ အယ်လာနဲ့ တွဲဖြစ်သွားကြတယ်။ သူ့သားသုံးယောက်ကတော့ သူ့အဖိုး၊အဖွားတွေနဲ့။ ဝတ်စုံကတော့ သူ့တို့ရဲ့ ခန့်ချောကြီးဖေဖေနဲ့ ဆင်တူပဲပေါ့။ ပွဲစရင်တော့ သူတို့သုံးယောက်ကိုလည်း လှည်းနဲ့ မင်္ဂလာလျှောက်လမ်းပေါ် တက်ခိုင်းရမှာဖြစ်တယ်။ လီဆာ နဲ့ ဒါဟျွန်း ကလည်း သူ့သားတွေနဲ့အတူ ကစားပေးနေကြတယ်။
YOU ARE READING
Falling For A Star ( Myanmar Translations)
Fanfic📍Jitop 📍Genbender 📍BxG converted story - Jensoo I do not own anything. All right reserve to original owners. @unknownconverter translateလုပ်ထားတဲ့ fic ကို မြန်မာလို ပြန်ရေးရုံ သက်သက်သာဖြစ်ပါသည်။ မူရင်းပိုင်ရှင်အားလုံးကို credit ပေးပါတယ်။
