ယခု ကလေးတွေက ဂျန်းနီနှင့်အတူ သူမ၏ ရုံးခန်းထဲမှာ။ ဂျန်, သူ့ညီမကို စောင့်ကြည့်နေမိတာကြာပြီ။ ဂျီဆူးရဲ့ ရုံးကို လိုက်သွားတဲ့နေ့ကနေစပြီး ကလေးက အရမ်းတိတ်သွားတာ။ လွန်ခဲ့တဲ့ ရုံးပိတ်ရက်က စံအိမ်ကို သွားလည်ခဲ့ကြသေးတော့ ဒယ်ဒီနဲ့ မာမီတောင် ရိပ်မိကုန်ပြီ။ သူမ အယ်လာ ကို ဆက်တိုက် မေးကြည့်နေပေမယ့် ကလေးက ဘာမျှပြန်မဖြေပေ။
ကလေးတွေက တစ်ပတ်ကို လေးကြိမ်လောက် ဂျီဆူးရုံးမှာ လိုက်နေကြတာဖြစ်တယ်.။ ဆိုတော့ အယ်လာလေးလည်း ဂျီဆူး ရုံးကို လိုက်သွားတဲ့ အရေအတွက် က လေးကြိမ်ပေါ့။ ဒီနေ့တောင် ဂျီဆူး အလုပ်အရမ်းများမှာ ဖြစ်လို့ ကလေးတွေကို သူမ ခေါ်ထားရခြင်းဖြစ်တယ်။
အတွေးလွန်နေတာ သူမ အတွင်းရေးမှူး လီဟယ်ရီ လက်မှတ်ထိုးဖို့ ဝင်လာမှ သတိပြန်လည်လာတော့သည်။
"ဒါက ဘာ သဘောလဲ?"
အလုပ်ထွက်စာကို ဖတ်ပြီး သူမ မေးမိလိုက်သည်။
"အလုပ်ထွက်စာပါ Mrs. Kim"
"အဲ့တာတော့ သိတယ်လေ။ ပြောချင်တာက ဘာအတွက်လဲ? ဘာလို့ ရုတ်တရက်ကြီး အလုပ်ထွက်ချင်ရတာလဲ? ဟယ်ရီ လို အတွင်းရေးမှူးတစ်ယောက်ကို တစ်ပတ်အတွင်း တို့ ဘယ်လိုရှာနိုင်မှာလဲ?"
"ကျွန်မ ကိုရီးယား ပြန်ရတော့မှာမို့ပါ။ ကျွန်မ အမေ အသဲအသန် နေမကောင်း ဖြစ်နေတာ။ စောင့်ရှောက်ပေးမယ့် လူလည်း တစ်ယောက်မှ မရှိလို့။ တောင်းပန်ပါတယ် Ma'am. မဖြစ်မနေ သွားရမယ့် အခြေအနေကြောင့်ပါ"
သူမ၏ အတွင်းရေးမှူးအား ကြည့်ကာ သက်ပြင်းတစ်ချ ချလိုက်မိသည်။ ဟယ်ရီ က company က အတော်ဆုံး ဝန်ထမ်းတွေထဲက တစ်ယောက်။ အရင်ကတော့ ချယ်ယောင်းရဲ့ အတွင်းရေးမှူးပေါ့။ ဂျန် သူ့ကို ရာထူးတိုးပေးဖို့တောင် စဉ်းစားထားတာ။
"ဟိုမှာကော အလုပ်ရှာတွေ့ထားပြီလား"
သူမ ကို ခေါင်းယမ်းပြလာသည့် ဟယ်ရီ။
"ဟိုရောက်မှပဲ ရှာကြည့်ဖို့ စီစဉ်ထားပါတယ် Ma'am"
"ဒါဆို အမေရဲ့ ဆေးရုံးစရိတ်ကို ဘယ်လိုလုပ်မလဲ "
YOU ARE READING
Falling For A Star ( Myanmar Translations)
Fanfiction📍Jitop 📍Genbender 📍BxG converted story - Jensoo I do not own anything. All right reserve to original owners. @unknownconverter translateလုပ်ထားတဲ့ fic ကို မြန်မာလို ပြန်ရေးရုံ သက်သက်သာဖြစ်ပါသည်။ မူရင်းပိုင်ရှင်အားလုံးကို credit ပေးပါတယ်။
