مساء الخيرات للجميع....كيف حالكم واستاحشتكم هلبااات ....حبيت انزلكم روايتي ونشارك احداثها معاكم ...ولو لقيت عليها تفاعل رح تنزل بأستمرار ..يارب تنال اعجابكم وتكون ف متناول الجميع ...صديقتكم
#zezo_a_saad
#حب_من_رحم_الكراهيه.
مقدمه😍
في كل ليله نخش فيها لداري ونحاول نرقد ع أمل أن الأحلام تجمعني بيك وتسرقني شوي من واقعي المؤلم...بس مافيش أمل مافيش ألا كوابيس طيفك اللي تلحق فيا بكل ليله من 3 سنوات.
مازلت نذكر في هذيك الليله من ثلاث سنوات بكل تفاصيلها وكأنها صارت من لحظات ...مازلت نحس ف لزوجة دمك ع ايديا وحوايجي ...مازلت نشم في ريحة دمك ف أنفي...مازلت نذكر ف عيونك الذابلة والموجوعه وهيا تتلاقى بعيوني الخايفه والمفجوعه.
لا البكاء والدموع رح تردك ليا ولا أنكار الحقيقه أنك متت وماعاد رح ترجع رح يفيدني....ثلاث سنين وأنا نحاول ننسي ونعيش ومش قادره وحاسه ان حاصله جوات كابوس ومش ناوي يطلقني ...3 سنين وأنا ندور ف هذاك اللي لابد ف الظلام وتحت المطر ومفزوع من عيطي ومازلت نتساءل ياتررى من فينا رح يلقي التاني بالاول .
ستوب .... خلي نعرفكم بالشخصيات شوي:-
أنا سمر عمرى 24 سنه طالبة قانون طويله ووزني متوسط عندي شعر كثيف وناعم أسرتي تتكون من :-
سامر:-_خوي التوأم عمره 24 سنه طالب هندسه نفطيه حياتي كلها متعلقه بيه لدرجة حتي نطلع للتسوق لازم يكون معاه أنا هو توأم بكل شي حتي الشكل نسخه من بعض .
سماح:-أختي الكبيرة عمرها 30 سنه خريجة فنون وأعلام طولها متوسط عيونها عسليه وشعرها أكحل .
مالك:-راجل سماح رجل أعمال وجنتل مان أنسان جدا راقي ومتحضر
ياسر:-ولد أختي سماح عمره 5 سنوات ولد عسسل ويهبل وخصوصا لأن كيف بادي يتكلم
يمني:-بنت أختي سماح عمرها 6 سنوات كيوت وعسوله وتشبه هلبا ف ملامحها لبوها.
خالد سليمان:-بابا عمره56سنه عنده شركة مقاولات كبيرة أنسان جدي وأحيانا عصبي. ومن النوع اللي حنون بس صعب المراس.
وفاء فوزي:-ماما عمرها 47سنه معلمه بس ربه بيت أنسانه دبلوماسيه ع الأخر ومن النوع اللي هادي جدا ومتحفظ بكلامه ع طول.
هاله محمود:-شابه جميله عمرها 23 سنه أنسانه متواضعه وهادئه نشأت ف أسرة متواضعه يتيمه الاب من الولادة عندها ولد أسمه سراج عمره 4 سنوات .
سليمان:-جدي عمره 75 سنه انسان قاسي ومتجبر وحياته كلها غموض وأسرار.
.................
عائلة عمران.
جهاد:-شاب عمره 28 سنه طويل وجميل عيونه ملونات يشتغل ف التجاره وعنده شركه صغيره خاصه بيه
عمران:-جد جهاد عمره 80 سنه .
.
.
.
باقي الشخصيات رح تتعرفو عليها خلال أحداث الروايه والقصه رح نكون أحداثها بين ذكريات الماضي والحاضر .
نتمني تكون ف المستوى وتنال أعجابكم ...تحياتي صديقتكم
#zezo_a_Saad.
