(unicode)
အကြောတို့ထင်းနေသော လက်အစုံသည်အဖြူရောင်ရှပ်အင်္ကျီရင်ဘတ်ထက်ရှိ ကြယ်သီးတန်းအနီးတွင် ပုံမှန်လှုပ်ရှားနေပေသည်။ ကျယ်ပြန့်စွာသောနောက်ကျောပြင်ကြီးသည် အဖြူရောင်ရှပ်အင်္ကျီပြောင်နှင့်လိုက်ဖက်စွာ ရှိနေပေသည်။ လက်ကိုကွေးလျက် ကြယ်သီးတတ်နေလေ၍ လက်မောင်းရှိအသားကျစ်ကျစ်တို့မှာ ပို၍အထင်သားထင်ပေါ်နေပြန်၏။ တည်နေသော မျက်နှာ ပြင်ထက် ပိရိသေသပ်သောနှုတ်ခမ်းသည်လည်းတင်းတင်းစေ့လျက်ရှိနေသည်။
တည်ငြိမ်သောအကြည်စူးစူးတို့သည် နောက် ကျောဘက်တစ်နည်း ကုတင်ဘက်သို့လှည့်လိုက်ချိန်တွင် မျက်နှာထက်မှ ရုတ်ချည်းကွယ်ပျောက်သွား၏။ စောင်ထုတ်ကြားမျက်နှာလေးသာ ပေါ်နေသူကိုကြည့်လျက် ကုတင်အနီးလမ်းလျှောက်သွားလိုက်သည်။ ပြီးလျှင် ကုတင်အစွန်းတွင်ဝင်ထိုင်လိုက်ပြီး မျက်နှာလေးသာ ပေါ်နေသောကလေးငယ်၏နဖူးထက်မှဆံသားတို့ကို အသာသပ်တင်ပေးလိုက်သည်။
ကွယ်အုပ်နေသောဆံသားတို့ ဖယ်ကွားသွားချိန် ဒေါင်းမာန်မြတ်နိုးရသော နဖူးသေးလေးပေါ်လာလျှင် နဖူးလေးထက်သို့ အသာနမ်းရှိုက်လိုက်သည်။ တစ်စက္ကန့် နှစ်စက္ကန့်...
" အင်း...လူကြီး။ အလုပ်သွားမလို့လား "
" မကြာဘူး။ အစည်းဝေးထိုင်ပြီးတာနဲ့ ချက်ချင်းပြန်လာမို့ ဘာစားချင်လဲ၊ ကိုယ့်ဝယ်ခဲ့ပေးမယ် "
" လူကြီး "
" ပြောလေ "
" လူကြီးလို့ "
" အင်း "
" ကျွန်တော်စားချင်တာ လူကြီးကိုလို့ပါဆို "
" ဟာကွာ ! စိတ်ကို လွတ်ချလိုက်ချင်မိပြန်ပြီး "
" ဘယ်သူက ထိန်းခိုင်းထားလို့လဲ "
မျက်နှာလေးမဖော်ဘဲ စောင်ထုတ်လေးထဲမှစကားဆိုနေသူကို ဒေါင်းမာန်အသည်းတယားယားဖြစ်ရသည်။
" ကလေးငယ် ကိုယ်အကြောင်းသိတယ်မလား "
သွားစေ့၍ သတိပေးသယောင် စကားဆိုလာသူကြောင့်
" ခစ်ခစ်ခစ် သိတယ်လေ၊ ကျွန်တော်ယောက်ျားအကြောင်းကို ကျွန်တော်သိတာဆန်းလား "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
