(unicode)
ရွာ၌ ရောက်နေသည်မှာ ၄ ညနှင့် ၅ ရက်ရှိလေပြီး။ တစ်ရက်တလေ အလည်သဘောမျိုးမဟုတ် ၍ မေကြီးကို အားနာစိတ်ဖြစ်ရသည်။ သို့သော် မနေ့ညထမင်းဝိုင်းတွင် ပွင့်လင်းစွာပြောလာသော မေကြီးအပြောတို့ကြောင့် အားနာစိတ်တို့မရှိတော့ဘဲ စိတ်ပေါ့ပါးသွားရလေ၏။
မနေ့ညထမင်းဝိုင်းတွင်...
" ထည့်စားလေ သား "
" ဟုတ်ကဲ့ မေကြီး၊ ရက်ရှည်နေတော့ အားနာမိ "
" မလိုဘူးကွယ်။ သားစားတာ နည်းနည်းလေးကွယ်။ ထမင်းပိုလို့ ကျွေးနေကျခွေးစားလောက်တောင် မရှိဘူး။ အားနာမနေနဲ့ သား၊ ကြိုက်သလောက်နေ၊ ဘာမှအားနာစရာမလိုဘူး။ မေကြီးချက်ကျွေးတာ စားနိုင်ဖို့ပဲလိုတယ် "
" ဟီးဟီး ဟုတ်မေကြီး "
မေကြီး၏အပြောကိုပြန်တွေးမိပြီး အသံထွက်သည်အထိ ရယ်(ရီ)မိ၏။ မေကြီး၏ပွင့်လင်းသောအပြောကို စိတ်မခုမိ။ ထမင်းစားချ်ိန်တိုင်း ထမင်းဝိုင်းအပုလေးနှင့် လူစုံထမင်းစားရသည်ကို သော်လင်းသဘောကျ၏။ ပြီးလျှင် "သူကြီးတူ"ဆိုတဲ့ ကိုကြီးဒေါင်းမာန်ကိုလည်း နည်းနည်းစိတ်ဝင်စားမိ၏။
" သော်လင်းရေ "
" ဘာလဲ "
" အမယ်လေးတော် အသံကလည်း မာလိုက်တာ၊ နိုးရင် ထတော့၊ ရွာမြောက်ပိုင်းသွားမလို့၊ နင့်ပဲ ကြာကန်တွေ့ချင်တယ်ဆို "
" ကြာကန်လား၊ သွားမယ် သွားမယ် ယဥ်ယဥ် "
မျက်နှာသစ်၊ မနက်စားစာပြီးလျှင် ကြာကန်ဘက်သွားရန် သော်လင်းအသင့်ဖြစ်နေပြီး။
" ကောင်းကောင်းသွားကြအုန်း၊ ရေထဲမဆင်းကြနဲ့၊ ကြားလား ယဥ်ယဥ် "
" ကြားတယ် မေကြီး၊ သွားမယ် သော်လင်း "
ခြံဝိုင်းထဲမှထွက်ပြီး ရွာလမ်းတစ်လျှောက် လမ်း လျှောက်သွားကြသည်။ ယဥ်ယဥ်သည် ရွာအ ကြောင်းကို အနည်းကျဥ်းပြောပြနေသည်။ ပြောပြနေသည်ထက် ပြောချင်ရာပြောနေဆိုလျှင် ပိုမှန်သည်။
" ငါတို့ ရွာမှာ အရှေ့ အနောက် တောင် မြောက် အပိုင်းခွဲပြီးခေါ်ကြတယ်။ သိပ်လည်းမကြီးဘဲလေ၊ ဘာလို့ အပိုင်းခွဲခေါ်ရတာလဲဆိုကို ငါနားမလည်နိုင်ဘူး နင်ရော "
ŞİMDİ OKUDUĞUN
ချစ်မြဲ ချစ်ဆဲ
Romantizmယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
