(unicode)
ဒေါ်မြသန္တာကားဂိတ်မှအိမ်သို့ တန်းပြန်လာလာချင်း သားဖြစ်သူကို လိုက်ရှာရပေသည်။ အခန်းထဲရှိမနေ၍ သူငယ်ချင်းစမ်းသီတာတို့အိမ်ဘက်သို့ ထွက်လာခဲ့လိုက်သည်။ အိမ်တစ်လုံးသည်တိတ်ဆိတ်နေ၏။ ပုံမှန်ဝင်ထွက်နေကျအိမ်ဖြစ်၍ သားဇန်ရှိနေလောက်မည့် သားလူထင်အိပ်ခန်းထံကိုသာ တည့်တည့်မတ်မတ်လျှောက်လာလိုက်သည်။
" သားရေ...သားဇန်၊ သား "
အခန်းတံခါးခေါက်လျက် အသံပေးလိုက်သော် လည်း တုံ့ပြန်သံမကြားရ၍ တံခါးလက်ကိုင်ဖုကိုအသာလှည့်ဖွင့်ကြည်လိုက်လျှင် သော့မခတ်ထားပေ။
" သား ! "
အံ့သြထိတ်လန့်စရာမြင်ကွင်းက ဆီးကြိုနေပေသည်။
" ဘယ်လို့လုပ်ပြီး နှစ်ယောက်သားထပ် ထပ် "
သားလူထင်သည် မှောက်ယက်လေအိပ်နေပြီး သားဇန်၏ရင်ခွင်ထဲတွင်ရှိနေပေသည်ကို တွေ့လိုက်ပြီး သေချာလေးပြန်ကြည့်မိသည်။ အနေ အထားသည်ပုံမှန်မဟုတ်သည်ကို ငယ်ရာမှကြီးလာသူဖြစ်သော ဒေါ်မြသန္တာ ချက်ချင်းသဘောပေါက်လိုက်၏။
" ဟူး...ဒီကလေးတွေ "
အသက်ကိုပြင်းပြင်းရှုလိုက်ပြီး အိပ်မောကျနေသူနှစ်ယောက်ကို ထပ်နိူးရပြန်သည်။
" သားဇန် ထအုန်း။ သားဇန် "
နားတွင် အမေဖြစ်သူ၏ခေါ်သံကို ကြားယောင်နေသယောင်။ ဖွင့်မရဖြစ်နေသောမျက်လုံးတို့ကို အားယူဖွင်လိုက်လျှင် ဝါးတားတားပုံရိပ်တစ်ခု။ သေချာထပ်ကြည့်လိုက်လျှင် ကုတင်ဘေးတွင်ခါးထောက်ရပ်နေသူက
" အမေ ! "
" အေး။ နိုးပြီးလား "
" ဟုတ် ဟုတ်ကဲ့။ ကျွန်တော် "
" ရှူးတိုးတိုး၊ သားလူထင်နိုးသွားမယ် "
" အော် အင်း အင်း "
" အဝတ်ဝတ်ပြီးရင် အိမ်ပြန်ခဲ့၊ ခိုင်းစရာရှိတယ်၊ မြန်မြန်နော် "
အခန်းပြင်ရောက်သွားပြီးဖြစ်သော မိခင်ဖြစ်သူသည် အေးဆေးပင်။ ကုတင်ဘေးတွဲကျနေသောအဝတ်တစ်ထည်ကို ကောက်စွတ်လိုက်ပြီး ကုတင်အောက်ပုံ့နေသော ဘောင်းဘီကိုပါ အမြန်ကောက်ဝတ်လိုက်သည်။ ပြီးလျှင် အိပ်ပျော်နေဆဲ လူထင်၏နထင်းလေးကို အသာနမ်းလိုက်၍ စောင်သေချာခြုံ့ပေးခဲ့လိုက်၏။
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
