حلا و الفهد

بارت 29

(فى قصر البحيرى )

كان الجد يتحدث على الهاتف

الجد ( بشماته ) - نفذت انهارده

الطرف الآخر - ايوا ...... كانت هتموت اول ما سمعت صوتى ...... امال أما تشوفنى بقى هتعمل ايه

فضحك الجد و قال - المشكله فى الناس اللى هنا ..... اما يشوفوكوا رجعتوا هيطبوا كلهم ساكتين من الصدمه يا هيثم

هيثم ( بضحك ) - عندك حق يا حاج

الجد - هو چون لسه مقالكش الناس اللى معاه ردوا عليه و قالوا ايه

هيثم - بص يا حاج بصراحه هما ردوا ...... لكن انا قلقان على احمد منهم ..... دول ناوين يصفوه  ..... و مهما كان دا ابن اخويا و دول مافيا

الجد - هو اللى ورط نفسه معاهم من الاول ...... و لولا نورهان جت و قالت لفهد على اللى سمعته ...... مكناش عرفنا عن بلاويه حاجه و كمان منصور هو اللى ساعدنا كتير و جاب لينا من المكتب بتاعه نسخه من كل الملفات اللى بتثبت تعامله مع الناس دى ....... والصدفه الأغرب أن چون يطلع معاهم

هيثم - چون دا جدع جدا يا حاج ..... اول ما اتعرفنا عليه هنا كانت صحبيه عادى و كان عارفنا بلشخصيات المزوره اللى جينا بيها هنا ...... لكن بعد ما عرفنا منه حكايته و أنه كان بيشتغل مع المفيا و كمان ان  احمد قتل ابنه و مراته ....... اعترفنا ليه بكل حاجه ...... و هو بعد ما عرف اللى احمد عمله معانا قرر أنه يساعدنا ....... و هو اللى جاب لينا كل الدلائل اللى بتثبت  على  المصايب اللى عملها احمد ....... ( ثم قال بمرح ) ..........يعنى بالخلاصه كدا يا حاج احمد ابن ابنك بقى عليه شويه ملفات زى الفل هيخلوه يقضى حوالى 62 سنه كدا فى ابو زعبل

الجد ( بضحك ) - انت بتقول فيها ..... دا الواد دا طلع عليه مصايب سودا

هيثم - اه والله

الجد - ماشى يا ابنى ..... خد بالك من نفسك و من اخوك و ابقى قولى هتروح لنورا تانى امتا

هيثم - ماشى يا حاج متقلقش عليا انا و سعد احنا بخير و كمان انا هروح لنورا  بعد يومين  كدا  عشان تكون جاهزه للصدمه الجديده

الجد - ماشى يا ابنى عاوز حاجه

هيثم ( بلهفه ) - اه يا حاج اميمه و فهد و جاسر و محمد عاملين ايه .... وحاشونى اوى يا والدى ....... انا بقالى 23 سنه مستخبى  هنا بسبب الزفت اللى اسمه امجد و لما ربنا خلصنا منه طلعنا ابنه زى ما تكون الدنيا مش عاوزانى اعيش مع مراتى و ولادى بخير ابدا 

الجد - يا هيثم اصبر شويه فات الكتير ....... و بعدين هما بخير والله ...... محمد و مراته و عياله بخير وكمان خلاص جاسر و فهد فرحهم بعد 5 ايام

هيثم ( بحزن ) - يعنى مش مكتوب عليا احضر فرح ولا واحد من ولادى

الجد - معلش يا ابنى ...... و بعدين مين عارف مش يمكن ربنا يقرب البعيد و تحضر انت و اخوك فرح عيالكم