حلا و الفهد

بارت 37

( فى قصر عائله البحيرى )

كان الشباب يخرجون مع والدهم من مكتب الجد ...... ولكن وجدوا أمامهم نورهان و هى تحمل طفلها و معها ايضا يوسف و حولهم حقائبهم

فقال الجد ( باستغراب ) - رايح فين يا جون

يوسف ( بمرح ) - ما خلاص بقى يا حاج الحمد لله كل حاجه بقت تمام و انت اطمنت على ولادك و كمان جوزت احفادك  ... اعتقونى و سيبونى فى حالى و خلونى انا كمان استقر بقى

فنظر الجد لنورهان التى تقف و الخجل يتأكلها

ثم قال الجد ( بخبث ) - بس مش هتعرف تستقر الا بعد 3 شهور يا جون

فقال يوسف ( بغيظ ) - اه يا اخويا .... مهو كله عمايل حفيدك المصون الله يرحمه ..... اقسم بالله لولا عدتها ... مكنتش خرجتها من مصر و هى مش على ذمتى .... بس يلا كلها 3 شهور ... و ربنا يقرب البعيد

فضحك الجد و قال - ربنا يسعدكم .... بس كنتم استنوا تتغدوا حتى

سعد - ايوا يا جون اقعد شويه يا ابنى

فحمل يوسف الطفل من يد نورهان ثم ابتسم بسعاده و قال

يوسف ( بسعاده ) - لا ... دا احنا يدوبك نرجع لاننا ورانا شغل كتير .... و كمان هيبقى عندنا شغل اكتر لأن نورهان هتضم شركات عمها مع شركاتى و دا هياخد شويه وقت

الجد - ربنا يا ابنى يحقق ليكم كل اللى نفسكم فيه ..... و مبروك مقدما على الجواز و الاستقرار يا سيدى

يوسف - تسلم يا حاج ..... يلا يا جماعه عاوزين حاجه

فقال الجميع فى نفس واحد - تسلم ... مع السلامه

يوسف - الله يسلمكم .... سلام

ثم خرج و هو يحمل الطفل بين أحضانه بسعاده و يمسك بيد نورهان بيده الأخرى ..... فمن كان يراهم كان سيقسم أنه يرى اجمل عائله رائتها عينه

فابتسم الجد و قال - ربنا يسعدهم .... هما الاتنين خدوا طريق غلط .... بس رجعوا و صححوا غلطهم .... و اهوا ربنا كافئهم ببعض

هيثم - فعلا .... ربنا يسعدهم .... اصلا انا اول مره من ساعه ما عرفت يوسف اشوفه مبسوط كدا

سعد - عندك حق .... انا مبسوط اوى عشانه

فقال جاسر ( بمرح ) - طب عن اذنكم بقى .... الواحد لازم يطلع لانه سايب مشاغل مهمه جدا فوق

فقال هيثم - روح .. روح .... ربنا يسعدك انت كمان

فقال جاسر  ( بمرح ) - تسلم يا بوب  .... اصل والله الموضوع مهم جدا ولا يتحمل التأخير .... ولا ايه يا فهد ... ( ثم نظر حوله باستغراب و قال ) .... فهد ... فهد انت روحت فين

فقال الجد ( بيأس )  - مش هيتغير ابدا .... هيفضل يظهر و يختفى لوحده زى الزيبق

فقال محمد ( بيأس ) - هى عادته ولا هيشتريها مهو طول عمره كدا .... ( ثم قال لجاسر ) .......  اطلع يا ابنى لعروستك  اطلع