حلا و الفهد

بارت 15

أكمل - اقصد كتب كتابى انا ......اصل انا هكتب كتابى على هاله  انهارده

الجد - بتقول ايه ......و مين اللى هيتجوز

أكمل - انا يا جدى ....انا هتجوز هاله

حلا - تتجوز هاله ازاى .....دا انت لسه شايفه من يومين .....ولا هى جينات  العائله دى كلها كدا .....اول ما تشوفوا الواحده ....تبقوا عاوزين تتجوزوها

أكمل - بصوا يا جماعه دا قرارى و قرارها و ممكن تروحو تسألوها إذا كانت موافقه ولا لا

الجد - يعنى يا أكمل .....ايه لعب العيال دا

أكمل - فين لعب العيال دا يا جدى .....مهو فهد اهو لسه شايف حلا و اتجوزها اشمعنا انا.....ولا هو حلال لغيرى و حرام عليا

الجد - اولا فهد يعرف حلا بحكم انها بنت عمه ....لكن انت تعرف هاله منين و تعرف ايه عن اصلها و فصلها

أكمل ( بخبث ) - لا يا جدى اوعى تتكلم على اصلها ....لأن اصلها دا بالذات هو اللى خلانى اتجوزها ......وبعدين متتعبوش نفسكوا انا هتجوزها هتجوزها

محمد - ريح دماغك يا جدى .....اللى بيشيل اربه مخرومه بتخر على دماغه .....مش هو اللى اختار احنا ملناش دعوه

حلا - ملكوش دعوه يعنى ايه .....هاله دى صحبتى و لو كانت بتفكر فى الجواز على الأقل كانت قالت ليا انا و اصحابى لأنها ملهاش حد ......ثم انا بقى عارفه صاحبتى و بقولكم انها مش هتوافق

أكمل ( بثقه ) - هتوافق

حلا - الله بقولك انا عارفه صاحبتى ....مش هتوافق

أكمل ( بثقه )  - هنشوف

ثم تركهم و خرج من المكتب ليحضر هاله

(فى الخارج )

جاسر - واد يا مصطفى ما تيجى نتجوز انا وانت المأذون هنا اهو

مصطفى - يا شيخ اتنيل .....مين دى اللى هتبصلنا

جاسر - لا اتكلم عن نفسك يا بابا مش عنى .....انا واثق من نفسى

مصطفى - اه ما انا واخد بالى

فنظروا لأكمل الذى خرج من المكتب

أكمل ( بحده ) - يلا يا هاله

هاله ( بخوف ) - يلا ايه

أكمل ( بخبث ) - يلا عشان نتجوز زى ما اتفقنا

فنظرت له هاله بخوف و ريبة

جاسر ( بتفاجئ ) - تتجوز مين

أكمل ( بحده ) - لو سمحتوا يا جماعه محدش يدخل
فى الموضع ....دا قرارى انا و هاله